Amos 1:3 - Manobo Western Bukidnon OT

³ Iyan heini migkaǥi te Nengazen mehitenged te Siria: “Tenged te kedtulung kebaal te salà te menge tig-Damascus, edsilutan ku sikandan. Su midsurung dan is menge tig-Gilead he henduen be te midlepiǥis dan te putew.

Amos 1:3 ပူးပေါင်းရင်းမြစ်များ

1 Hadì 19:17

Ebpenhimetayan ni Hazael is ebpemen-azap ki Baal. Is ebpekepelaǥuy kandin, ne ebpenhimetayan ni Jehu, ne is ebpekepelaǥuy ki Jehu, ne si Elisha is ebpenhimatey kandan.

2 Hadì 13:3

Umbe, nepeukan te Nengazen is menge Israilihanen. Ne meluǥayad he timpu is kebpesekupa zin kandan ki Hadì Hazael he hadì te Aram wey te anak din he si Ben Hadad.

2 Hadì 13:7

Dutun te huziyan he timpu, is nesamà diyà te ki Jehoahaz, iyan dà is 50 he pereuntud te kudà, 10 he kerwahi, wey 10,000 he sundaru, su is duma mibpenhimetayan te hadì diyà te Aram, he henduen be te eliyavuk he midtekutakan.

2 Hadì 16:9

Mibpezumazuma haazà is hadì te Asiria te hangyù ni Ahaz, umbe midsurung din is Damascus ne mid-aǥew zin heini. Miduma zin is menge meǥinged dutun diyà te Kir su mibihag din, ne midhimetayan din si Rezin.

2 Hadì 8:12

Mid-insaan sikandin ni Hazael, “Maan, datù, is midsineǥew ka?” Midtavak si Elisha, “Geina te netuenan ku is mezaat he ebeelan nu te menge Israilihanen. Ebinsulan nu is binerengbeng he menge inged dan, ebpenhimetayan nu is menge vetan-en kandan, edrunteken nu is dezeisey he menge vatà kandan, wey edsirian nu is meǥingey he menge vahi kandan.”

Job 19:3

Kepipira ad keniyu insultuwi. Wazè kew meeled is edezaat kedì.

Job 5:19

Layun ke zin edlibriya te vangkit wey kezeetan.

Erubasa 6:16

Duen pitu he kelasi te etew he egkeepesan wey edumutan te Nengazen:

Megwewali 11:2

Isavuk nu is selapì nu ziyà te nekedseselekawà he petiǥayun, su wazè nu metueni ke hengkey he mezaat he hitavù is egkehitavù kayi te kelibutan.

Isaias 28:27

Kenè din edliǥisen te ligid te kerumata zin is rinaǥun he menge penaket para meǥunas heini, kekenà, ebpenlempesan din dà heini.

Isaias 41:15

Pemineg ka! Edhimuwen ku sikew he iring te gelemiten te kegunas he veǥu wey zuen din mahabet wey meǥarang he menge ngipen. Egunasen nu wey edrunteken is menge vuntud, ed-iringen nu te ukap is menge vuvungan.

Isaias 7:16

Ne te kenè pa sikandin egketeǥuan te hustu he isip, is tanà duen te zezuwa he hadì he igkahandek nu, Ahaz, egkezeeten ne ebey-anan dà heini.

Isaias 7:8

Su is Damascus iyan dà kepital te Aram, ne si Rezin, diyè dà sikandin midhadì te Damascus. Ne is Samaria iyan dà kepital te Israel, ne si Peka he anak ni Remalia ziyè dà sikandin midhadì te Samaria. Egkezeeten is Israel seled te 65 he tuig, umbe kenè ne heini egketawag he sevaha he nasyun. Emun kenà melig-en is kedtuu niw ne egkezeetan kew iyan.’ ”

Isaias 8:4

Ne te kenè pa egketau heeyan is batà he edsampit te Amà etawa Inà, ne is ketiǥeyunan diyà te Damascus wey is midtavan te menge tig-Samaria ne egkuwaan te hadì te Asiria.”

Amos 1:11

Iyan heini migkaǥi te Nengazen mehitenged te Edom: “Tenged te kedtulung kebaal te salà te menge tig-Edom, edsilutan ku sikandan. Su mibpendal-as dan is menge kezuzumahi zan he menge Israilihanen ne wazè dan en mehizuwi te ebpenhimatey. Is menge Israilihanen, kenè egkaawà is pauk kandan te menge tig Edom.

Amos 1:13

Iyan heini migkaǥi te Nengazen mehitenged te Ammon: “Tenged te kedtulung kebaal te salà te menge tig-Ammon, edsilutan ku sikandan. Su midsirian dan is memeǥingey he menge vahi ziyà te Gilead, su wey zan maangken heini he tanà.

Amos 1:6

Iyan heini migkaǥi te Nengazen mehitenged te Filistia: “Tenged te kedtulung kebaal te salà te menge tig-Gaza, edsilutan ku sikandan. Su zuen menge inged he mibihag dan is tivuuk he menge meǥinged dutun ne imbelegyà dan he menge uripen diyà te Edom.

Amos 1:9

Iyan heini migkaǥi te Nengazen mehitenged te Tyre: “Tenged te kedtulung kebaal te salà te menge tig-Tyre, edsilutan ku sikandan. Su is langun he meǥinged diyà te menge inged, imbelegyè dan he menge uripen diyà te Edom. Ne wazè dan tumana is neuyunan dan kayi te menge etew he emiǥu zan.

Amos 2:1

Iyan heini migkaǥi te Nengazen mehitenged te Moab: “Tenged te kedtulung kebaal te salà te menge tig-Moab, edsilutan ku sikandan. Su mibinsulan dan is menge tulan te hadì te Edom taman te neigmuk heini.

Amos 2:4

Iyan heini migkaǥi te Nengazen mehitenged te Juda: “Tenged te kedtulung kebaal te salà te menge tig-Juda, edsilutan ku sikandan. Su inselikwey zan is menge kesuǥuan ku wey wazè dan tumana is menge sulunuzen. Neketazin kandan is kebpenilbi zan te zuma he menge ed-ezapen he midsilbiyan daan te menge kepuun dan.

Amos 2:6

Iyan heini migkaǥi te Nengazen mehitenged te Israel: “Tenged te kedtulung kebaal te salà te menge tig-Israel, edsilutan ku sikandan. Su imbelegyè dan he menge uripen is menge etew he wazà mekesalà, tenged dà te utang dan. Mibeelan dan heini ziyà te menge pubri minsan nekeutang dà diyà te kandan te senge paris he sandalyas.

Zacarias 9:1

Iyan heini menge lalag te Nengazen: Migkaǥi is Nengazen he edsilutan din is menge inged he Hadrac wey Damascus, su kinahanglan he edtengteng wey edangep diyà te Nengazen is langun he menge etew lavew en is menge tribu te Israel.

Zacarias 9:2

Edsilutan daan te Nengazen is Hamat he sikbit he inged te Hadrac wey te Damascus, wey ziyà te menge inged he Tyre wey Sidon, minsan duen ebilidad te menge meǥinged kayi.