Amos 1:2 - Manobo Western Bukidnon OT

² Migkaǥi si Amos te, “Edhiniǥer is Nengazen he ebpuun te Zion; edraǥeb is laǥeng din puun te Jerusalem. Ne tenged kayi nengeǥangu is menge pepenebtavà te menge vantey te menge kerehidu ragkes en is menge pinemula ziyà te puntur te Buntud he Carmel.”

Amos 1:2 ပူးပေါင်းရင်းမြစ်များ

Salmo 29:4

Is laǥeng te Nengazen, mekeǥeǥehem wey zekelà is dengeg din

Salmo 46:6

Egkengeheratan is menge nasyun; egkengehuyung is menge ginhedian. Tenged te kulehian te Megbevayà henduen be te egketunew en te kegkahandek is menge etew kayi te tivuuk he kelibutan.

Erubasa 20:2

Emun egkepauk is hadì henduen be te edhiniǥer he erimaung. Umbe, emun ebaal ka te igkepauk din, ne edhimetayan ke zin.

Isaias 33:9

Nezeetan is tanà he Israel. Nengeǥangu is menge kayu ziyà te Lebanon, ne ke và dà etew ne neeled-eled heini. Neiring te sibsivayan is menge suǥud diyà te Sharon. Netaktak is menge zahun te menge kayu ziyà te Bashan wey Carmel.

Isaias 35:2

Iring heini te etew su egkanta zaan wey ed-ugyab te kegkelipey, ne ebpemekar is mahabet he menge vulak kayi. Ne egkehimu heini he mekempet iring te Buntud he Lebanon. Ne uuzaran heini iring te pemuleey iring te Carmel wey Sharon. Ne egkaahà dutun is gehem wey utew kegkelavew te Nengazen he Megbevayè tew.

Isaias 42:13

Ebpekidtebek is Nengazen he iring te sundaru he andam en he ebpekidtebek. Ebpengulahì sikandin he tuus te edsurung en, ne egkezaag din is menge kuntada zin.

Jeremias 12:4

Keenu egkeengked is kebmemaza te tanà wey kegkeǥangu te menge sagbet diyà te langun he menge vevesukà? Nemematey is menge langgam wey menge tagbis tenged te kelelalung te menge etew he ed-ubpà keniyan he tanà. Migkaǥi pa sikandan te, “Wazè mebpekilavet is Megbevayà te egkepeveyaan tew.”

Jeremias 14:2

“Egkeseeng utew is Juda; is menge inged kayi ebpengguyaan. Ebpemekepimpinuu is menge meǥinged kayi he tanà is egkengeseeng, ne egkezineg is ebpemenineǥew ziyà te Jerusalem.

Jeremias 25:30

“Jeremias, keǥiya nu ziyà te kandan is langun he migkaǥi ku, ke sikew te: ‘Puun te langit iring te erimaung he edhiniǥer is Nengazen; edraǥeb is laǥeng din he ebpuun diyà te segradu he ubpeey zin. Ebpekezeǥingen din is kedhinigera zin te menge etew zin. Egkulehian din is langun he ed-ubpà kayi te kelibutan iring te etew he ebpengulahì emun egkeres sikandin te paras.

Jeremias 28:8

Is menge ebpeneuven he nehuna kenita nenagnè dan dengan he zuen ebpekeuma he tebek, vitil, wey menge zaru diyà te mahabet he menge nasyun wey ziyà te mekeǥeǥehem he menge ginhedian.

Jeremias 50:19

Piru ibpelikù ku is menge Israilihanen diyà te nasyun dan. Ne egkeiring dan te menge kerehidu; egkaan sikandan te egkeraǥun dan puun te Carmel, te Bashan, wey ziyà te vuvungan te Efraim wey Gilead, ne egkeperahan sikandan.

Hoseas 11:10

“Edsunud kew kediey zutun te edhiniǥer a iring te erimaung. Siguradu he edhiniǥer a, ne ed-agpas kew ed-ulì puun te edsenlepan.

Joel 1:19

Mid-ampù si Joel. Ke sikandin te, “Ed-umawen ku sikew, Nengazen, su nengeǥangu is menge penebtavà wey is langun he menge kayu ziyà te menge vevesukà he henduen be te nevinsulan.

Joel 2:11

Ebmenduan te Nengazen heini is menge terapan he menge sundaru zin, ne edtumanen dan is menge suǥù din. Mekahandekhandek heini he menge terapan ne utew subra is kahabet dan. Mekehandekhandek utew haazà is andew te kedsilut te Nengazen; ne wazà ebpekeeguwanta kayi.

Joel 3:16

Eghiniǥer is Nengazen he ebpuun te Zion; edraǥeb is laǥeng din he ebpuun te Jerusalem. Ne tenged kayi egkehuyung is kelibutan wey is langit. Piru melig-en he eputà is Nengazen para te menge Israilihanen he menge etew zin.

Amos 9:3

Minsan med-eles pa sikandan diyà te puntur te Buntud he Carmel, ebpen-ahaan ku sikandan dutun ne edekepen ku. Minsan med-eles pa sikandan diyà te zizalem te zaǥat, ne ibpehendutun ku is uled te kegkaǥat kandan.

Nahum 1:4

Pinaaǥi te kebmandù din ne egkemezahan is menge zaǥat wey menge wahig, egkengeǥangu is menge pinemula ziyà te Bashan, diyà te Buntud he Carmel, wey ziyà te Lebanon.

1 Samuel 25:2

Dutun te Maon duen sevaha he etew zutun he zekelà is ketiǥeyunan din, duen tanè din diyà te Carmel. 1,000 is kambing din ne 3,000 is kerehidu zin ne ebpen-elutan din diyà te Carmel.