2 Samuel 9:7 - Manobo Western Bukidnon OT

⁷ Migkeǥiyan ni David sikandin te, “Kenè ka mahandek, su ibpeehè ku kenikew is keupiya ku tenged te amey nu he si Jonatan. Id-ulì ku kenikew is langun he menge tanà te apù nu he si Saul, ne kenà iyan dà heeyan, kekenà, kayi ku en sikew ibpekaan duma kedì.”

2 Samuel 9:7 ပူးပေါင်းရင်းမြစ်များ

Genesis 43:18

Ne utew sikandan nahandek dutun te kedumaha kandan diyà te valey ni Jose su neisip dan is, “Kela ke iyan indumaha kenitew kayi is tenged te selapì he neketaǥù diyà te menge saku tew zutun te nehuna he kedhendini tew. Kela ke edekepen kiw ne ed-uripenen kiw ne egkuwaan dan is menge asnu tew.”

Genesis 43:23

Ne midtavak is suluǥuen te, “Wazà kinahanglan he igkeseeng niw heeyan. Kenè kew mahandek. Is Megbevayè niw he Megbevayà te amey niw, iyan buwa mibeǥey keniyu te selapì diyà te menge saku niw, su nezawat ku man is selapì niw.” Ne mid-uwit din diyà te kandan si Simeon.

2 Samuel 12:8

Imbeǥey ku kenikew is ginhedian din wey is menge esawa zin. Midhimu ku sikew he hadì te tivuuk he Israel wey Juda. Ne emun kurang pa heini ne ed-umanan ku pa te mezakel pa.

2 Samuel 19:28

Ereg pezem he ebpenhimetayan nu is menge kevuwazan te apù ku, piru siak is suluǥuen nu ne nehizuwan nu su impekaan nu zuma kenikew. Umbe kenà ad ereg he edhangyù pa kenikew te pebur.”

2 Samuel 19:29

Migkeǥiyan sikandin ni David te, “Ereg en heeyan. Iyan en paaǥi ku is tengaa niw en ki Ziba is tanà ni Saul.”

2 Samuel 19:33

Migkeǥiyan sikandin ni David te, “Duma ke en kedì te edlayun ne ziyè ka ubpà te Jerusalem. Iyan e en ed-elima kenikew ziyà.”

2 Samuel 21:7

Piru si Mefiboshet is anak ni Jonatan he apù ni Saul ne wazà mulà iapil ni David te ebeǥey kandan, tenged te penangdù dan ki Jonatan diyà te etuvangan te Nengazen.

2 Samuel 9:1

Ne sevaha he andew, nenginginsà si David te, “Duen pe be nesamà te pemilya ni Saul he igkepeehè ku kandin is gaǥew ku tenged ki Jonatan?”

2 Samuel 9:10

Sikew, is menge anak nu, wey is menge suluǥuen nu iyan edterebahu te tanà para kandin, ne uwita nu ziyà te kandin is menge abut, para zuen egkekaan te pemilya zin. Ne si Mefiboshet mulà iyan ad ebpekaan kandin kayi te kedì.” (Si Ziba ne zuen din 15 he anak he menge maama ne 20 is suluǥuen din.)

2 Samuel 9:11

Migkeǥiyan ni Ziba is hadì te, “Mahal he Hadì, edtumanen ku is minsan hengkey he idsuǥù nu kedì te suluǥuen nu.” Puun dutun, diyè en egkaan si Mefiboshet te ki David he iring te sevaha te menge anak din.

2 Samuel 9:13

Si Mefiboshet is pigket ne ziyè en med-ubpà te Jerusalem ne ziyè en daan layun egkaan duma ki Hadì David.

2 Samuel 9:3

Mid-insà is hadì, “Duen pe be nesamà he pemilya ni Saul he igkepeehè ku kandin is keupiya te Megbevayà?” Midtavak din is hadì te, “Duen pa, kes anak ni Jonatan he maama he nepigket.”

1 Hadì 2:7

“Iyan, purungi nu mulà is menge anak ni Barzilai he tig-Gilead, ne layun nu sikandan ipekaan duma kenikew, su midtevangan e zan hein mibpeleǥuyan ku is suled nu he si Absalom.

2 Hadì 25:29

Umbe, wazè en mebivisti si Jehoyakin te visti te pinirisu, ne puun dutun dumè en sikandin duen te hadì emun egkaan dan.

Salmo 41:9

Minsan is emiǥu ku utew he egkeseriǥan ku he mibpekidtuǥen kedì te egkaan ne iyan midluib kedì.

Jeremias 52:33

Umbe, wazè en mebivisti si Jehoyakin te visti te pinirisu, ne puun dutun dumè en sikandin duen te hadì emun egkaan dan.

Zacarias 7:9

“Iyan heini migkaǥi ku ziyà te menge etew ku: ‘Iveǥey niw is metazeng he kukuman. Ipeehè niw is keupiya niw wey kebpekedhihizuwè niw.

1 Samuel 12:24

Kinahanglan he tehuza niw utew is Nengazen wey silbiyi niw te hustu pinaaǥi te tivuuk he gehinawa niw. Wey tentenuzi niw is egkein-inuwan he mibeelan din keniyu.

1 Samuel 20:15

ne ipedayun nu gihapun is kebmahala nu te pemilya ku, minsan te ed-eminen edhimetayi te Nengazen is langun he kuntada nu.”

1 Samuel 22:23

Kayi ke zà te kedì, su sevaha zà is egkesuat he ebpehimatey kenikew wey kediey. Kenè ka mahandek; wazà mezaat he egkeulaula kenikew emun kayi ka te kedì.”