2 Samuel 9:11 - Manobo Western Bukidnon OT

¹¹ Migkeǥiyan ni Ziba is hadì te, “Mahal he Hadì, edtumanen ku is minsan hengkey he idsuǥù nu kedì te suluǥuen nu.” Puun dutun, diyè en egkaan si Mefiboshet te ki David he iring te sevaha te menge anak din.

2 Samuel 9:11 ပူးပေါင်းရင်းမြစ်များ

2 Samuel 15:15

Migkaǥi is menge upisyal te, “Mahal he Hadì, andam key he ebaal te minsan hengkey he egkeǥiyen nu kenami.”

2 Samuel 19:17

Duen miduma kandin he 1,000 he tig-Benjamin, apil zutun si Ziba he suluǥuen te pemilya ni Saul, duma is 15 he menge anak din he menge maama wey 20 he menge suluǥuen. Ne migaanggaan dan medhendiyà te Jordan is edtelavuk ki David.

2 Samuel 19:24

Midhendiyà daan si Mefiboshet he apù ni Saul su midtelavuk ki David. Diyà sikandin ebpuun te Jerusalem. Wazà melùlui is paa zin, wazè din mekiskisi is sumpè din, wey wazè din pa meilisi is ingkukumbalè din puun pa te kebpekeawà ni David diyà te Jerusalem taman te nekelikù he wazà memenu sikandin. Hein nekeume en sikandin diyà, ne mid-insaan sikandin ni David te, “Mefiboshet, maan is wazè ka meduma kedì?”

2 Samuel 19:26

Midtavak sikandin te, “Mahal he Hadì, netuenan nu he pigket a. Migkeǥiyan ku is suluǥuen ku he si Ziba he iandam din sikan is asnu ku para ed-untuzan ku te eduma kenikew. Piru mid-ekalan e zin.

2 Samuel 9:10

Sikew, is menge anak nu, wey is menge suluǥuen nu iyan edterebahu te tanà para kandin, ne uwita nu ziyà te kandin is menge abut, para zuen egkekaan te pemilya zin. Ne si Mefiboshet mulà iyan ad ebpekaan kandin kayi te kedì.” (Si Ziba ne zuen din 15 he anak he menge maama ne 20 is suluǥuen din.)

2 Samuel 9:12

Duen anak ni Mefiboshet he maama he egngezanan ki Mica. Is langun he sakup te pemilya ni Ziba ne nehimu en he suluǥuen ni Mefiboshet.

2 Samuel 9:13

Si Mefiboshet is pigket ne ziyè en med-ubpà te Jerusalem ne ziyè en daan layun egkaan duma ki Hadì David.