2 Samuel 9:10 - Manobo Western Bukidnon OT

¹⁰ Sikew, is menge anak nu, wey is menge suluǥuen nu iyan edterebahu te tanà para kandin, ne uwita nu ziyà te kandin is menge abut, para zuen egkekaan te pemilya zin. Ne si Mefiboshet mulà iyan ad ebpekaan kandin kayi te kedì.” (Si Ziba ne zuen din 15 he anak he menge maama ne 20 is suluǥuen din.)

2 Samuel 9:10 ပူးပေါင်းရင်းမြစ်များ

2 Samuel 16:3

Mid-insà si David te, “Hendei en be si Mefiboshet, is apù te egalen nu he si Saul?” Midtavak si Ziba te, “Mibpelintetaǥak sikandin diyà te Jerusalem, tenged te mid-isip din he iyan sikandin edhimuwen he hadì te keet-etawan te Israel kayi he menge timpu te ginhedian te apù din.”

2 Samuel 19:18

Mid-uǥupan dan si David wey is pemilya zin he mekelayun dutun te wahig, ne midtuman dan is minsan hengkey he egkesuatan ni David. Hein edrapas en si David dutun te Wahig he Jordan, midluhud si Simei ziyà te kandin

2 Samuel 19:28

Ereg pezem he ebpenhimetayan nu is menge kevuwazan te apù ku, piru siak is suluǥuen nu ne nehizuwan nu su impekaan nu zuma kenikew. Umbe kenà ad ereg he edhangyù pa kenikew te pebur.”

2 Samuel 21:7

Piru si Mefiboshet is anak ni Jonatan he apù ni Saul ne wazà mulà iapil ni David te ebeǥey kandan, tenged te penangdù dan ki Jonatan diyà te etuvangan te Nengazen.

2 Samuel 9:7

Migkeǥiyan ni David sikandin te, “Kenè ka mahandek, su ibpeehè ku kenikew is keupiya ku tenged te amey nu he si Jonatan. Id-ulì ku kenikew is langun he menge tanà te apù nu he si Saul, ne kenà iyan dà heeyan, kekenà, kayi ku en sikew ibpekaan duma kedì.”

1 Hadì 2:7

“Iyan, purungi nu mulà is menge anak ni Barzilai he tig-Gilead, ne layun nu sikandan ipekaan duma kenikew, su midtevangan e zan hein mibpeleǥuyan ku is suled nu he si Absalom.

2 Hadì 25:29

Umbe, wazè en mebivisti si Jehoyakin te visti te pinirisu, ne puun dutun dumè en sikandin duen te hadì emun egkaan dan.

Jeremias 52:34

Ne kada andew ebeǥayan sikandin duen te hadì te Babilonia te menge kinahanglan din taman te timpu te kebpatey zin.