2 Samuel 8:6 - Manobo Western Bukidnon OT

⁶ Mibpevaal si David te menge kampu ziyà te Damascus, he lugar te menge Aramihanen. Ne nehimu en he nesakup din sikandan, ne ebayad dan te vuhis diyà te kandin. Impezaag si David te Nengazen, minsan hendei sikandin ebpevayà is ebpekidtebek.

2 Samuel 8:6 ပူးပေါင်းရင်းမြစ်များ

2 Samuel 10:19

Hein naahà te menge hadì te menge Aramihanen he menge sakup ni Hadadezer he egkezaag sikandan te menge Israilihanen, mibpekid-emiǥu zan te menge Israilihanen ne mibpesakup en sikandan te Israel. Umbe puun dutun nengahandek en is menge Aramihanen he edtavang te menge Amunihanen.

2 Samuel 23:14

ne naaǥew zan is Betlehem. Hein diyè pa si David te melig-en he elesà,

2 Samuel 3:18

Guntaan, egkehimu tew en su midsaad is Nengazen he pinaaǥi te suluǥuen din he si David, edlibriyen din is keet-etawan din he menge Israilihanen su wey kenè en sikandan egkeveyveyaan te menge kuntada zan wey te menge Filistihanen.”

2 Samuel 5:10

Utew mibmelig-en si David, tenged te edtevangan sikandin te Nengazen he Megbevayà he Mekeǥeǥehem.

2 Samuel 7:9

Midumahan ku sikew minsan hendei ka mebpevayà, ne impezaag ku kenikew is langun he kuntada nu. Guntaan edhimuwen ku sikew he mevantug iring te zuma he menge etew he egkevantug diyan te tivuuk he kelibutan.

2 Samuel 8:14

Mibpevaal sikandin te menge kampu ziyà te tivuuk he Edom, ne nehimu he menge sakup din is langun he menge Edomanhen. Impezaag te Nengazen si David minsan hendei sikandin ebpevayà is ebpekidtebek.

2 Samuel 8:2

Nezaag daan ni David is menge Moabitanhen. Impehizeǥè din sikandan diyà te tanà he impelinya ne midsukud din te pisì. Ne is neseled te kada zezuwa he sukud te pisì ne mibpenhimetayan, ne is nengesakup te iketelu he sukud te pisì ne wazà penhimetayi. Is duma he menge Moabitanhen he wazà himetayi, ne midsakup ni David ne impevayad din sikandan te vuhis diyà te kandin.

2 Samuel 8:7

Migkuwa ni David is menge vulawan he menge kelasag te menge upisyal ni Hadadezer, ne mid-uwit din diyà te Jerusalem.

1 Hadì 4:21

Si Solomon is midumala te langun he ginhedian puun te Wahig he Eufrates pehendiyà te tanà te menge Filistihanen taman te dulunà te Ehipto. Heini he menge ginhedian ebayad te vuhis dan diyà te ki Solomon ne mibpesakup kandin dutun te uuyag pa sikandin.

2 Hadì 1:1

Hein minatey en si Ahab, is nasyun he Moab wazè en mebpezizalem te keǥehem te Israel.

2 Hadì 14:28

Is duma pa he ǥuǥud mehitenged te kedhadì ni Jeroboam II, wey is nevantug he vaal zin wey is duma pa he mibeelan din, ragkes en is kedhewia zin te Damascus wey Hamat he sakup dengan te Juda, ne ingkesurat diyà te Libru he Midsuratan te menge Keguǥuza te menge Hadì te Israel.

2 Hadì 18:7

Mibpekiduma kandin is Nengazen, ne mezeeǥen sikandin diyà te langun he menge vaal zin. Nekidsukulà sikandin te hadì te Asiria ne wazà mebpenilbi kandin.

2 Hadì 3:4

Si Hadì Mesha he hadì te Moab, mid-uyag te menge kerehidu, ne geina te sakup te Israel is Moab, ebeǥey si Mesha ziyà te hadì te Israel te 100,000 he nati he menge kerehidu he meemahan, wey vulvul te 100,000 he meǥurang en he meemahan he menge kerehidu.

1 Cronica 18:13

Mibpevaal si David te menge kampu ziyà te Edom, ne nehimu he menge sakup din is langun he menge Edomanhen. Impezaag te Nengazen si David minsan hendei sikandin ebpevayà is ebpekidtebek.

2 Cronica 17:2

Mibpepelestaran din te menge sundaru is langun he vinerengbeng he menge inged te Juda, ne midtukuzan din te menge kampu te menge sundaru is Juda wey is menge inged te Efraim he naaǥew te amey zin he si Asa.

Salmo 140:7

Nengazen he MEGBEVAYÀ, iyan ka mezesen he menluluwas ku. Iyan ka nengalang kedì te timpu te tebek.

Salmo 60:10

Kenè be iyan ka, is Megbevayà he midselikwey kenami he wazè en meduma te menge sundaru zey?

Erubasa 21:31

Minsan andam en is menge kudà he egemiten te kebpekidtebek, iyan, ketau zà te Nengazen is kebpekezaag.

1 Samuel 13:3

Ne zutun midsurung ni Jonatan is kampu te menge Filistihanen diyà te Gibea, ne nezineg heini te zuma he menge Filistihanen. Umbe mibmandar si Saul te ipezaǥing is menge budyung te tivuuk he Israel para maandam is menge Israilihanen para te tebek.

1 Samuel 14:1

Ne sevaha he andew, migkeǥiyan ni Jonatan kes betan-en he tig-uwit te ǥumaan din te, “Hengkayi ke en, su edhendiyè ki te bentayà te menge Filistihanen su ebpeniid ki.” Piru wazè din ipetukew is amey zin te mibeelan din.

1 Samuel 14:15

Utew nengahandek is menge Filistihanen sikan is dutun te kampu, diyà te vevesukà, diyà te bentayà, wey minsan sikan is nenurung. Ne zutun midlinug, ne utew zan dutun nengahandek.

1 Samuel 14:6

Migkeǥiyan ni Jonatan kes tig-uwit te ǥumaan din te, “Hengkayi ke en, ebeyaan ta is kampu te menge etew he wazà mekekilala te Megbevayà. Kela ke edtevangan ki te Nengazen, su wazà ebpekevelavag kandin emun edhimuwen din he mekezaag is etew, mezakel man wey ke deisey.”