2 Samuel 8:14 - Manobo Western Bukidnon OT

¹⁴ Mibpevaal sikandin te menge kampu ziyà te tivuuk he Edom, ne nehimu he menge sakup din is langun he menge Edomanhen. Impezaag te Nengazen si David minsan hendei sikandin ebpevayà is ebpekidtebek.

2 Samuel 8:14 ပူးပေါင်းရင်းမြစ်များ

Genesis 25:23

“Iyan heeyan ebpuunan is dezuwa he vatà he keniyan te getek nu te zezuwa he nasyun. Ne heini is dezuwa he grupu te menge etew ne ebpekuntedehey. Mezesen haazà is sevaha kenà haazà is duma zin. Is kakey egkehimu he suluǥuen te hazi zin.”

Genesis 27:29

Berakat he mezakel he menge tribu is egkehimu menge suluǥuen nu, wey edtahud dan kenikew. Berakat he iyan ka mehimu he egalen te menge suled nu, wey medtahud kenikew is menge hazi nu. Berakat he is edrawak kenikew ne iyan merewaki, ne tuvazi mulà is ebpenuvadtuvad kenikew.”

2 Samuel 5:10

Utew mibmelig-en si David, tenged te edtevangan sikandin te Nengazen he Megbevayà he Mekeǥeǥehem.

2 Samuel 7:9

Midumahan ku sikew minsan hendei ka mebpevayà, ne impezaag ku kenikew is langun he kuntada nu. Guntaan edhimuwen ku sikew he mevantug iring te zuma he menge etew he egkevantug diyan te tivuuk he kelibutan.

2 Samuel 8:15

Nehimu he hadì si David te tivuuk he Israel ne mibeelan din is metazeng wey hustu para te langun he menge etew zin.

2 Samuel 8:6

Mibpevaal si David te menge kampu ziyà te Damascus, he lugar te menge Aramihanen. Ne nehimu en he nesakup din sikandan, ne ebayad dan te vuhis diyà te kandin. Impezaag si David te Nengazen, minsan hendei sikandin ebpevayà is ebpekidtebek.

1 Hadì 11:15

Hein nehuna he timpu, he nekidtebek si David te menge Edomanhen, si Joab he peremandar te menge sundaru ni David midhendiyà te Edom te kedleveng te nemematey te tebek. Ne hein dutun en sikandin duma te menge etew zin, midhimetayan dan is langun he menge maama ziyà te Edom.

1 Hadì 22:47

Dutun he timpu wazà hadì diyà te Edom; iyan dà edumala kayi is pengulu he mibpilì ni Jehoshafat.

1 Hadì 22:48

Duen mibpeveelan ni Jehoshafat he menge varku he para te petiǥayun he ebiyahi ziyà te Ofir te kegkuwa te vulawan. Piru wazà heini mekeviyahi su nezeetan heini ziyà te Ezion Geber.

2 Hadì 14:7

Si Amazia iyan midhimatey te 10,000 he menge tig-Edom diyà te menge suǥud he migngezanan te Timus. Naaǥew zin tenged te tebek is Sela, ne egngezanan din heini te Jokteel, ne taman en guntaan iyan heini ngazan din.

2 Hadì 18:7

Mibpekiduma kandin is Nengazen, ne mezeeǥen sikandin diyà te langun he menge vaal zin. Nekidsukulà sikandin te hadì te Asiria ne wazà mebpenilbi kandin.

1 Cronica 18:13

Mibpevaal si David te menge kampu ziyà te Edom, ne nehimu he menge sakup din is langun he menge Edomanhen. Impezaag te Nengazen si David minsan hendei sikandin ebpevayà is ebpekidtebek.

Salmo 60:1

He Megbevayà, mid-engkezan key kenikew ne ketau nu is kegkezaaǥa kenami. Nepeukan key kenikew, ne ǥuntaan seǥipaa key en.