2 Samuel 8:1 - Manobo Western Bukidnon OT

¹ Hein huziyan he timpu nezaag ni David is menge Filistihanen ne nesakup din en sikandan. Naaǥew zin diyà te kandan is lugar he Meteg Ama.

2 Samuel 8:1 ပူးပေါင်းရင်းမြစ်များ

2 Samuel 19:9

Nekedlelawan dutun is tivuuk he Israel. Ke sikandan te, “Midluwas kiw ni Hadì David diyà te menge kuntada tew he menge Filistihanen, piru mibpelaǥuy sikandin kayi te nasyun tew tenged dà ki Absalom.

2 Samuel 2:24

Hein netuenan ni Joab wey ni Abishai is neulaula, midal-as dan si Abner. Hein midsanlep en is andew, nekeuma zan diyà te vuntud te Ama uvey te Gia, he ziyà te kilid te zalan he ibpehendiyà te sibsivayan te Gibeon.

2 Samuel 22:44

Midluwas a kenikew, Nengazen, te ebpekidsukulà kedì he menge etew. Midhimu a kenikew he pengulu te menge nasyun. Is menge lumelengyawà, ne ebpenilbi kedì.

2 Samuel 5:17

Hein netuenan te menge Filistihanen he iyan si David nepilì he hadì te Israel, midtiǥum dan is langun he menge sundaru zan para te kedakep kandin. Piru netuenan ni David, umbe midhendiyà sikandin te sevaha he melig-en he kutà.

2 Samuel 5:25

Umbe, midtuman ni David is insuǥù kandin te Nengazen, ne nengepatey zan is menge Filistihanen puun te Geba taman te Gezer.

2 Samuel 7:9

Midumahan ku sikew minsan hendei ka mebpevayà, ne impezaag ku kenikew is langun he kuntada nu. Guntaan edhimuwen ku sikew he mevantug iring te zuma he menge etew he egkevantug diyan te tivuuk he kelibutan.

Salmo 18:43

Midluwas a kenikew te ribildi he menge etew. Midhimu a kenikew he pengulu te menge nasyun. Is menge lumelengyawà ne ebpenilbi kedì.

Salmo 60:2

Midhuyung nu wey impeveka nu is tanà he Israel, iyan, guntaan edhangyù a ziyà te kenikew he purungi nu en heini su hapit en egketempag.

Salmo 60:8

Ne suluǥuen ku mulà is Moab ne ed-engkenen ku is Edom. Ne idsegyawan ku is kegkezeeǥa ku te Filistia.”

1 Samuel 7:13

Nezaag human te menge Israilihanen is menge Filistihanen, ne wazè dan en maan mekepenurung diyà te ubpaan te menge Israilihanen te uuyag pa si Samuel, su is menge Israilihanen, midtevangan sikandan te Nengazen.