2 Samuel 7:24 - Manobo Western Bukidnon OT

²⁴ Midhimu nu is menge Israilihanen he keet-etawan nu te wazà pidtemanan, wey iyan ka, Nengazen he Megbevayè dan.

2 Samuel 7:24 ပူးပေါင်းရင်းမြစ်များ

Genesis 17:7

Edtumanen ku is kebpekid-uyun ku kenikew wey te menge kevuwazan nu te peleebuten he lapis te kevuwazan, ne pedayun a he Megbevayè niw. Heini he kebpekid-uyun ku ne taman te taman.

Genesis 17:8

Ne is tivuuk kayi he tanà te Canaan he mid-ubpaan nu ǥuntaan te lumelengyawà, ibeǥey ku heini kenikew wey ziyà te menge kevuwazan nu. Egkeangken niw heini te taman te taman, ne pedayun he iyan a Megbevayè niw.”

2 Samuel 7:23

Wey wazè en daan menge etew he iring te keet-etawan nu he menge Israilihanen. Iyan dà heini nasyun kayi te kelibutan he midluwas nu te kegkeuripen wey mehimu he keet-etawan nu. Nehimu ka he ventuǥan tenged te ǥehem nu wey egkein-inuwan he menge vaal nu hein midsegseg nu is menge etew ziyà te menge nasyun wey is menge ed-ezapen dan pinaaǥi te menge keet-etawan nu he midluwas nu puun te Ehipto.

2 Samuel 7:25

“Ne ǥuntaan, Nengazen he Megbevayà, tumana nu is menge saad nu kedì te suluǥuen nu wey te pemilya ku, para iyan ka mevantug te wazà pidtemanan. Ne egkaǥi is menge etew te, ‘Is Nengazen he Mekeǥeǥehem iyan Megbevayà te Israel!’ Ne is kedhadì te pemilya ku ebpedayun taman te taman.

1 Cronica 17:22

Midhimu nu is menge Israilihanen he keet-etawan nu te wazà pidtemanan, wey iyan ka, Nengazen he Megbevayè dan.

Salmo 48:14

he is Megbevayà he edsilbiyan tew ǥuntaan iyan kes Megbevayè tew te wazà pidtemanan. Iyan sikandin egiya kenitew te wazà pidtemanan.

Exodus 15:2

Is Nengazen iyan ebeǥey kedì te zesen, wey iyan sikandin egkekanta ku. Iyan sikandin menluluwas ku. Iyan sikandin Megbevayè ku, ne edeliǥen ku sikandin. Megbevayà sikandin te menge kepuun ku, ne ebentuǥen ku sikandin.

Exodus 6:7

Ed-isipen ku sikiyu he menge etew ku ne iyan a egkehimu he Megbevayè niw. Ne egketuenan niw he siak is Nengazen he Megbevayè niw, iyan a mibpeǥawas keniyu puun te kegkeuripena keniyu te menge tig-Ehipto.

Isaias 12:2

Sikew Megbevayà, iyan ka menluluwas ku. Edsarig a kenikew ne kenà a egkahandek. Iyan ka, Nengazen, mibeǥey kedì te zesen, ne iyan ka egkentahan ku. Iyan ka midlibri kedì.”

Jeremias 31:1

Mibpedayun pa megkaǥi is Nengazen te, “Dutun he timpu, egkehimu a he Megbevayà te langun he pemilya te Israel, ne egkehimu zan he menge etew ku.

Jeremias 31:33

Migkaǥi pa is Nengazen te, “Is beǥu he kebpekid-uyun he edhimuwen ku ziyà te menge tig-Israel te egkeuma he timpu iyan heini: Idtaǥù ku is menge suǥù ku ziyà te isip dan wey idsurat ku heini ziyà te gehinawa zan. Egkehimu a he Megbevayè dan, ne egkehimu zan he menge etew ku.

Jeremias 32:38

Egkehimu sikandan he menge etew ku ne egkehimu a he Megbevayè dan.

Hoseas 1:10

Piru egkeuma is timpu he egkehizuwan ku sikandan wey edtuvazan ku; egkeiring sikandan kahabet te pantad diyà te veyvey te zaǥat he kenà egkesukud wey egkevilang. Guntaan egngezanan sikandan he ‘Kenà kediey he menge etew,’ piru ziyà te huziyan he timpu egngezanan sikandan te, ‘Menge anak te uuyag he Megbevayà.’

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”

Deuteronomio 26:18

Ne impahayag daan te Nengazen ǥuntaan he iyan kew ispisyal he menge etew zin sumalà is penaad din, ne kinahanglan he edtumanen niw is langun he menge suǥù din.

Deuteronomio 27:9

Ne mid-uman pa megkaǥi si Moises wey sikan is menge memumuhat he menge kevuwazan ni Levi ziyà te langun he menge Israilihanen te, “Pemineg kew is menge etew te Israel! Guntaan he andew nehimu kew en he menge etew te Nengazen he Megbevayè niw.

Deuteronomio 32:6

Iyan en be heeyan ibales niw te keupiya te Nengazen? Menge tulebung kew en iyan wey kurang te kedsavut. Kenè be iyan sikandin Amey niw he midlimbag keniyu?