2 Samuel 7:23 - Manobo Western Bukidnon OT

²³ Wey wazè en daan menge etew he iring te keet-etawan nu he menge Israilihanen. Iyan dà heini nasyun kayi te kelibutan he midluwas nu te kegkeuripen wey mehimu he keet-etawan nu. Nehimu ka he ventuǥan tenged te ǥehem nu wey egkein-inuwan he menge vaal nu hein midsegseg nu is menge etew ziyà te menge nasyun wey is menge ed-ezapen dan pinaaǥi te menge keet-etawan nu he midluwas nu puun te Ehipto.

2 Samuel 7:23 ပူးပေါင်းရင်းမြစ်များ

2 Samuel 7:24

Midhimu nu is menge Israilihanen he keet-etawan nu te wazà pidtemanan, wey iyan ka, Nengazen he Megbevayè dan.

1 Cronica 17:21

Wey wazè en daan menge etew he iring te keet-etawan nu he menge Israilihanen. Iyan dà heini nasyun kayi te kelibutan he midluwas nu te kegkeuripen wey mehimu he keet-etawan nu. Nehimu ka he ventuǥan tenged te ǥehem nu wey egkein-inuwan he menge vaal nu hein midsegseg nu is menge etew ziyà te menge nasyun pinaaǥi te menge keet-etawan nu he midluwas nu puun te Ehipto.

Nehemias 1:10

“Menge suluǥuen key kenikew wey menge etew nu he midlibri nu pinaaǥi te zekelà he ǥehem nu wey zesen nu.

Salmo 111:9

Midlibri zin is menge etew zin, ne midhimu zin is kebpekid-uyun kandan te wazà pidtemanan. Waǥas sikandin wey egkein-inuwan.

Salmo 145:6

Is menge etew, idsangyew zan is utew egkein-inuwi he menge vaal nu, ne ibpenudtul ku zaan is kegkemekeǥeǥehem nu.

Salmo 147:20

Wazè din heini ul-ulaha ziyà te zuma he menge nasyun; wazè dan mulà haazà metueni is menge suǥù din. Deliǥa is Nengazen!

Salmo 40:5

Nengazen he Megbevayè ku, wazà ebpekeiring kenikew. Mahabet is egkein-inuwan he mibeelan nu, wey mahabet is menge pelanu nu para kenami. Ne kenè ku heini igkeseysey pudu su utew medmezakel.

Salmo 44:3

Piru iyan tutuu is, kenà pinaaǥi te ǥumaan wey ketau te kebpekidtebek is ingkeengkena te menge kepuun dey kayi he tanà, kekenà, tenged te ǥehem nu, ebilidad nu, wey hizu nu kandan tenged te kebmahala nu kandan.

Salmo 65:5

He Megbevayà he menluluwas dey, edtevaken key kenikew pinaaǥi te egkein-inuwan he menge vaal he mibeelan nu te kedlibriya nu kenami. Iyan ka ebpekeveǥey te keupiyaanan te menge etew kayi te tivuuk he kelibutan.

Salmo 66:3

Keǥiyi niw sikandin te, “He Megbevayà, utew iyan egkein-inuwi is menge vaal nu. Tenged te zekelà he ǥehem nu nekeluhud diyà te etuvangan nu is menge kuntada nu.

Exodus 12:12

“Su zutun daan he kezukileman edhipenawen ku is tivuuk he Ehipto ne ebpenhimetayan ku is langun he menge pengenayan he menge maama te menge Ehiptohanen, meetew se meuyaǥen. Ne edsilutan ku is langun he menge ed-ezapen kayi te Ehipto. Su iyan a Nengazen.

Exodus 33:16

Is kedumahi nu kenami iyan igketueni te zuma he menge etew he nekepenunuat kenikew is menge etew wey siaken. Is kebpekiduma nu kenami iyan ibpekeviza zey te zuma he menge etew kayi te tanà.”

Exodus 6:7

Ed-isipen ku sikiyu he menge etew ku ne iyan a egkehimu he Megbevayè niw. Ne egketuenan niw he siak is Nengazen he Megbevayè niw, iyan a mibpeǥawas keniyu puun te kegkeuripena keniyu te menge tig-Ehipto.

Exodus 9:15

Ne minsan dengan ke mid-amin ku sikiyu limasa is menge Ehiptohanen pinaaǥi te zaru, ne egkehimu ku ne wazè ke en pezem guntaan.

Exodus 9:16

Iyan, intuǥut ku he meuyag-uyag ka para kayi he ketuyu-an: su wey nu maahà is gehem ku ne wey a mevantug kayi te tivuuk he kelibutan.

Jeremias 32:20

Mibaal ka te menge singyal wey menge egkein-inuwan he menge vaal ziyà te Ehipto ne taman en guntaan is kebeeli nu zutun kayi te Israel wey ziyà te zuma he menge nasyun. Ne pinaaǥi kayi nehimu ka he velentuǥen taman en guntaan.

Jeremias 32:21

Pinaaǥi te menge singyal wey menge egkein-inuwan he menge vaal nu, wey te ǥehem nu he ingkahandek te menge Ehiptohanen, impeǥawas nu ziyà te Ehipto is menge etew nu he Israilihanen.

Ezekiel 20:9

Piru wazè ku heini himuwa, su midlevanan ku is dengeg ku su wey a kenà mependezeisey te menge etew ziyà te menge nasyun he nekeelingkus te Israel su netuenan dan he impahayag ku ziyà te menge Israilihanen he ibpeǥawas ku sikandan puun te Ehipto.

Numero 6:27

“Pinaaǥi kayi igkepehayag dan diyà te menge Israilihanen ke hentei a, ne edtuvazan ku sikandan.”

Deuteronomio 10:21

Deliǥa niw sikandin su iyan sikandin Megbevayè niw he mibaal te mekeǥeǥehem wey egkein-inuwan he menge vaal he neehè niw mismu.

Deuteronomio 15:15

Tentenuzi niw he menge uripen kew zengan diyà te Ehipto ne impeǥawas kew te Nengazen he Megbevayè niw. Iyan heeyan hinungdan ke maan is ibeǥey ku heini keniyu he suǥù guntaan.

Deuteronomio 33:29

Utew kew zeyzey is menge etew te Israel! Wazà iring keniyu su iyan kew menge etew he midlibri te Nengazen. Is Nengazen iyan ebpengalang wey edtavang keniyu, ne iyan sikandin ebpekidtebek para keniyu. Ebpenanap is menge kuntada niw pehendiyà te keniyu, ne edtekutakan niw is menge peka zan.”

Deuteronomio 9:26

Mib-ampù a ziyà te Nengazen he ke siak te, ‘He Nengazen he MEGBEVAYÀ, kenè nu zèdeeti heini is menge etew he ǥaked nu. Midlibri nu sikandan ne impeǥawas nu puun te Ehipto pinaaǥi te zekelà he ǥehem nu.

Josue 7:9

Emun egkezineg heini te menge Canaanhen wey zuma pa he meǥinged kayi ne edliǥuyan key zan, ne ebpenhimetayan key zan. Ne emun iyan haazà, hengkey is ebeelan nu para kenà mezeeti is dengeg nu?”