2 Samuel 7:22 - Manobo Western Bukidnon OT

²² “Nengazen he MEGBEVAYÀ, utew ka iyan gemhanan! Wazà iyan ebpekerepeng kenikew wey wazè en minsan hentei pa he Megbevayà gawas kenikew. Wazè dey nezineg he megbevayà he iring kenikew.

2 Samuel 7:22 ပူးပေါင်းရင်းမြစ်များ

2 Samuel 22:32

Iyan ke zà, Nengazen, kes Megbevayà; kes endilungè dey he vatu.

1 Hadì 8:23

ne ke sikandin te mid-ampù te, “Nengazen, Megbevayà te Israel, wazè en Megbevayà he iring kenikew ziyan te langit wey kayi te tanà. Metinumanen ka te saad nu wey layun nu ibpaahà is kebmahala nu te menge suluǥuen nu he edsunud kenikew te tivuuk he ǥehinawa zan.

1 Cronica 16:25

Su mekeǥeǥehem is Nengazen, ne ereg sikandin he edeliǥen. Dait sikandin he edtehuzen lavew te langun he zuma he menge ed-ezapen,

2 Cronica 2:5

“Dekelà he valey te Nengazen is edtukuzen ku, su utew mekeǥeǥehem is Megbevayè dey kenà te zuma he ed-ezapen.

Salmo 135:5

Netuenan ku he mekeǥeǥehem is Nengazen, he lavew te langun he zuma he menge ed-ezapen.

Salmo 145:3

Mekeǥeǥehem ka he Nengazen, umbe ereg ka he edeliǥen. Kenà egketegkad is kegkemekeǥeǥehem nu.

Salmo 44:1

He Megbevayà, netudtul kenami te menge kepuun dey is mibpemeelan nu hein kaazen dan pa zutun te neuǥet en he timpu,

Salmo 48:1

Mekeǥeǥehem is Nengazen he Megbevayè tew, ne ereg sikandin he edeliǥen is diyà te inged din he iyan is Jerusalem he ziyà te segradu he vuvungan din.

Salmo 86:10

Su mekeǥeǥehem ka, ne egkein-inuwan is menge vaal nu; iyan ke zà Megbevayà.

Salmo 86:8

Wazà megbevayà he iring kenikew, Nengazen; wazà minsan hentei he ebpekehimu te nengehimu nu.

Salmo 89:6

Wazà minsan sevaha ziyà te langit he iring kenikew, Nengazen. Wazà ilengiten he linimbag he igkepetug-iring kenikew.

Salmo 89:8

Nengazen he Megbevayà he Mekeǥeǥehem, wazà minsan hentei he iring kenikew; mekeǥeǥehem ka wey metinumanen diyà te langun he ebeelan nu.

Salmo 96:4

Su mekeǥeǥehem is Nengazen, ne ereg sikandin he edeliǥen. Dait sikandin he edtehuzen lavew te langun he zuma he menge ed-ezapen.

Exodus 10:2

su wey niw metudtul ziyà te menge anak niw wey menge apù niw is paaǥi te kedsiluti ku te menge Ehiptohanen wey is paaǥi te kebpaahà ku kandan te menge singyal he mibeelan ku, su wey niw metueni he iyan a Nengazen.”

Exodus 15:11

Wazà ed-ezapen te menge etew he ebpekerepeng kenikew, Nengazen. Wazà ebpekerepeng kenikew te kegkewaǥas nu wey kegkemekeǥeǥehem. Iyan ke zà Megbevayà he mibaal te egkein-inuwan he menge vaal!

Exodus 8:10

Ne midtavak haazà is hadì te, “Keeselem iampù a kenikew.” Ne midtavak si Moises te, “Uya, edtumanen ku heeyan is nekaǥi nu, su wey nu metueni he wazà ebpekerepeng te Nengazen he iyan Megbevayè dey.

Exodus 8:6

Ne imbayew ni Aaron is belad din he ibpetezù diyà te zivavew te menge wahig diyà te Ehipto, ne zutun migaun is utew midtaman he mahabet he menge vakbak ne giranap dan diyà te tivuuk he Ehipto.

Exodus 9:14

Ne emun kenè nu sikandan edtuǥutan, ne ibpeiseg ku en is keveǥat te menge pigada ku kenikew, ragkes is menge upisyal nu wey is tivuuk he gin-etawan nu su wey nu metueni he wazà ebpekerepeng kedì kayi te tivuuk he kelibutan.

Isaias 40:18

Umbe hentei is igkehindeg niw te Nengazen? Etawa hengkey is ibpetug-iring niw kandin?

Isaias 40:25

Migkaǥi is Waǥas he Megbevayà te, “Hentei is ebpetug-iringan niw kediey? Duen be iring kediey?”

Isaias 45:18

Iyan ka Nengazen, kes Megbevayà. Midlimbag nu is langit wey is kelibutan. Wazè nu himuwa is kelibutan he mehiǥawan, kekenà, mibeelan nu heini su wey meubpai. Migkaǥi ka te, “Iyan a Nengazen, ne wazè en duma pa.

Isaias 45:22

“Sikiyu is langun he menge etew kayi te tivuuk he kelibutan, dangep kew kayi te kediey su wey kew melibri, su iyan a Megbevayà, ne wazè en duma.

Isaias 45:5

Iyan a Nengazen, ne wazè en duma; gawas kediey ne wazè en duma he Megbevayà. Ebeǥayan ku sikew te zesen minsan wazà a kenikew mekilala,

Ezekiel 36:22

Umbe, keǥiyi nu is menge etew te Israel he siak, is Nengazen he MEGBEVAYÀ migkaǥi te: He menge etew te Israel, ibpelikù ku sikiyu ziyà te tanè niw kenà tenged te engayan kew he edawat kayi. Ebeelan ku heini tenged te waǥas he ngazan ku he ebpendezeisayen niw ziyà te minsan hendei he nasyun he egkeveyaan niw.

Ezekiel 36:32

Piru egkesuatan ku he metueni niw te menge etew te Israel he ebeelan ku heini kenà tenged keniyu. Umbe ereg he igkeeled niw is menge ulaula niw. Iyan a, is Nengazen he MEGBEVAYÀ, is migkaǥi kayi.”

Daniel 2:45

Iring duen te neehè nu he vatu he midtipak puun te vuntud (piru kenà etew is midtipak duen) he nekevekbek duen te ledawan he putew, brunsi, brik, pelata, wey vulawan. “Mahal he Hadì, mibpezayag is mekeǥeǥehem he Megbevayà diyà te kenikew ke hengkey is huziyan he egkehitavù. Ne iyan heeyan kes teǥeinep nu wey kehuluǥan din. Ne tutuu heini is langun he migkaǥi ku.”

Micas 7:18

Wazè en duma he ed-ezapen he iring kenikew. Mibpesaylu nu is menge salà te nesamà he menge etew nu he menge ǥaked nu. Wazà mebpedayun taman te taman is kegkepauk nu su ingkelipey nu is kebmahala nu kenami.

Deuteronomio 3:24

‘He Nengazen he MEGBEVAYÀ, impuun nu en ipaahà kedì te suluǥuen nu is kegkemekeǥeǥehem nu; wazà Megbevayà diyà te langit wey kayi te tanà he ebpekehimu te egkengein-inuwan he mibeelan nu.

Deuteronomio 32:39

Ahaa niw is puriba ǥuntaan he iyan e zà Megbevayà! Wazè en duma he Megbevayà gawas kedì. Iyan a edhimatey ne iyan a zaan ebeǥey te untung; iyan a ebpalì wey iyan a zaan ebawì te palì, ne wazà egkelibri emun edezeetan ku.

Deuteronomio 4:35

Impeehè keniyu haazà he menge hitavù su para metueni niw he is Nengazen iyan Megbevayà ne wazè en duma pa.

Deuteronomio 4:39

“Umbe tentenuzi niw heini ǥuntaan ne kenè niw lipati he is Nengazen he Megbevayà diyà te langit wey kayi te tanà, ne wazè en duma pa he Megbevayà.

1 Samuel 2:2

Wazà ebpekeiring te Nengazen su waǥas sikandin. Wazà ebpekerepeng kandin. Wazà eputà he vatu he iring te Megbevayè tew.