2 Samuel 7:21 - Manobo Western Bukidnon OT

²¹ Tenged te insaad nu wey egkesuatan nu, mibeelan nu heini is dekelà he menge vaal wey mibpetuenan nu heini kediey te suluǥuen nu.

2 Samuel 7:21 ပူးပေါင်းရင်းမြစ်များ

1 Cronica 17:19

He Nengazen, tenged kedì te suluǥuen nu wey tenged te iyan egkesuatan nu, midhimu nu heini is dekelà he menge vaal ne impetuenan nu kediey.

Salmo 115:1

Kenè key iyan ereg he ebeǥayan te zengeg, Nengazen, kekenà, iyan ka, tenged te kebmahala nu kenami wey te kebmetinumanen nu.

Salmo 138:2

Edluhud a he edsinaru ziyà te valey nu he edalig kenikew tenged te ǥaǥew nu wey kebmetinumanen nu. Su impeehè nu he sikew wey is lalag nu lavew te langun he menge vutang.

Numero 23:19

Is Megbevayà kenà iring te etew he edtarùtarù; kenà egkahalin is isip din. Duen be nekaǥi zin he ebeelan din he wazè din beeli? Duen be saad din he wazè din tumana?

Deuteronomio 9:5

Egkaangken niw is menge tanè dan, kenà tenged te ketazeng niw wey keupiya niw, kekenà, tenged te kelelalung dan, wey para metuman te Nengazen is impenangdù din diyà te menge kepuun niw he si Abraham, si Isaac, wey si Jacob.