2 Samuel 7:2 - Manobo Western Bukidnon OT

² Ne sevaha he andew, migkeǥiyan ni David is ebpeneuven he si Natan te, “Kayi e en guntaan med-ubpà te utew mekempet he ubpeey he is menge pengawid din, ne ebpuun te kayu he sidru, piru haazà is Kavan te Kebpekid-uyun te Megbevayà ne zutun dà te tulda.”

2 Samuel 7:2 ပူးပေါင်းရင်းမြစ်များ

2 Samuel 11:11

Midtavak si Uria te, “Sikan is Kavan te Kebpekid-uyun wey is menge sundaru te Israel wey Juda diyà te kampu zan diyà te menge suǥud, ne zutun daan is peremandar zey he si Joab wey is menge upisyal zin. Ebpekehimu e pe be he ed-ulì te kegkaan, ked-inum, wey te kedhulid te esawa ku? Ibpenangdù ku kenikew he kenè ku egkeulaula is iring keniyan.”

2 Samuel 12:1

Midsuǥù is Nengazen te ebpeneuven he si Natan diyà te ki David. Hein nekeuma sikandin diyà te ki David, migkaǥi sikandin te, “Duen dezuwa he etew he ed-ubpà te sevaha he inged. Is sevaha ne sepian ne is sevaha ne pubri.

2 Samuel 5:11

Dutun he timpu, midsuǥù si Hadì Hiram he hadì te Tyre te menge menunudtulà diyà te ki David duma is menge pandey, menge tigsimintu, wey mibpeuwit te menge kayu he sidru, su ebengunen dan is turuǥan ni David.

2 Samuel 6:17

Insavuk eni David haaza is Kavan te Nengazen dutun te seled te tulda he mibeelan ni David he edsevukan din dutun te Kavan. Ne nemuhat si David diyà te Nengazen te menge pemuhat he edtutungen wey menge pemuhat he para te meupiya he kedepità.

2 Samuel 7:17

Midtudtul ni Natan ki David is langun he impezayag te Megbevayà diyà te kandin.

1 Hadì 1:22

Ne zutun te ebpekidlalag pa si Batsheba zuen te hadì, nekeuma si Natan he ebpeneuven.

1 Hadì 1:8

Piru wazà mulà meduyug kandin si Zadok he memumuhat, si Benaya he anak ni Jehoyada, si Natan he ebpeneuven, si Shimei, si Rei, wey is menge vantey ni David.

1 Hadì 4:5

Is pengulu te menge gubirnedur ziyà te menge distritu te Israel iyan si Azaria he anak ni Natan. Is sumesambag duen te hadì iyan si Zabud he memumuhat, he anak daan ni Natan.

1 Hadì 8:17

“Utew egkesuat is amey ku he si David he ebangun te valey he para te zengeg te Nengazen he Megbevayà te Israel.

1 Cronica 14:1

Dutun he timpu, midsuǥù si Hadì Hiram he hadì te Tyre te menge menunudtulà diyà te ki David duma is menge pandey, menge tigsimintu, wey mibpeuwit te menge kayu he sidru, su ebengunen dan is turuǥan ni David.

1 Cronica 16:1

Insavuk eni David haaza is Kavan te Kebpekid-uyun te Megbevayà dutun te seled te tulda he mibeelan ni David he edsevukan din dutun te Kavan. Ne nemuhat dan diyà te Nengazen te menge pemuhat he edtutungen wey menge pemuhat he para te meupiya he kedepità.

1 Cronica 22:7

Migkeǥiyan ni David si Solomon te, “He mama, egkesuatan ku pezem he edtukud te valey te Nengazen para te kegkeveyawa te ngazan te Nengazen he iyan Megbevayè ku.

1 Cronica 29:29

Is guǥud mehitenged te kedhadì ni Hadì David, puun te puunà taman te ketepusan, ne ingkesurat heini ziyà te menge libru te menge ebpeneuven he si Samuel, Natan wey Gad.

2 Cronica 1:4

Dutun he timpu ne neuwit en ni David kes Kavan te Kebpekid-uyun te Megbevayà he ebpuun te Kiriat Jearim pehendiyà te tulda he inteǥana zin para kayi diyà te Jerusalem.

2 Cronica 29:25

Ne impepelastar ni Hezekia ziyà te valey te Nengazen is menge Levihanen he zuen dan menge simbal, menge alpa, wey menge lira. Ne kedtuman heini te insuǥù te Nengazen ki Hadì David pinaaǥi ki Gad he menenagnà ni David wey te ebpeneuven he si Natan.

2 Cronica 9:29

Is duma pa he ǥuǥud mehitenged te kedhadì ni Solomon, puun pa te puunà taman te ketepusan, ne ingkesurat diyà te insurat ni Natan he ebpeneuven, wey ziyà te menge lalag ni Ahia he tig-Shilo, wey te Menge Nelewasan ni Iddo he ebpeneuven he ebpesavut daan te kedhadì ni Jeroboam he anak ni Nebat.

Salmo 132:2

Tentenuzi nu is saad din diyà te kenikew, Nengazen, is Mekeǥeǥehem he Megbevayà ni Jacob. Midsaad sikandin he ke sikandin te,

Salmo 132:5

taman te kebpeketuredu ku te lugar he egkeubpaan te Nengazen, he iyan kes Mekeǥeǥehem he Megbevayà ni Jacob.”

Exodus 40:21

Ne inseled din sikan is Kavan duen te Tulda he Ed-ezapan, ne intaud din sikan is kurtina su wey mezilungi haazà is Kavan te Kebpekid-uyun.

Haggai 1:4

Egenahan kew ve he ed-ubpà diyà te mekempet he menge valey he neregdas mulà is kediey he valey?