2 Samuel 7:18 - Manobo Western Bukidnon OT

¹⁸ Dutun midseled si Hadì David dutun te Tulda he zutun kes Kavan te Kebpekid-uyun. Ne mibpinuu sikandin diyà te etuvangan te Nengazen ne mibpengemuyù te, “He Nengazen he MEGBEVAYÀ, hentei e ves wey is pemilya ku maan is midtuvazan a kenikew te iring kayi?

2 Samuel 7:18 ပူးပေါင်းရင်းမြစ်များ

Genesis 32:10

Ne siak is suluǥuen nu, kenà a zait te zekelà he ǥaǥew nu kediey he kenà egkaamin. Dengan hein midrapas a kayi te wahig he Jordan su edhendiyà a te ki Laban ne iyan dà naazen ku zutun is tuked ku. Ne ǥuntaan utew mezakel is menge azen ku su egkehimu he ebehinen te zezuwa he vahin.

Genesis 32:11

Ne tevangi a ǥuntaan kenikew su wey a kenà mekeizi te kakey ku he si Esau su utew ad egkahandek su kela ke edtebeken e zin, ne ebpesipelahan din is menge esawa ku wey menge anak ku.

2 Samuel 23:5

Iyan heeyan ked-ahà te Megbevayà te pemilya ku, su midhimu sikandin kayi te kedì te kebpekid-uyun he wazà pidtemanan. Heini he kebpekid-uyun, ne kenè en egkevelvelewanan ne kenè en daan egkeilisan. Umbe egkeperateng ku he lelayun a edluwasa te Megbevayà, wey ibeǥey zin kedì is langun he egkesuatan ku.

2 Samuel 7:17

Midtudtul ni Natan ki David is langun he impezayag te Megbevayà diyà te kandin.

1 Cronica 17:16

Dutun midseled si Hadì David dutun te Tulda he zutun kes Kavan te Kebpekid-uyun. Ne mibpinuu sikandin diyà te etuvangan te Nengazen ne mibpengemuyù te, “He Nengazen he Megbevayà, hentei e ves wey is pemilya ku maan is midtuvazan a kenikew te iring kayi?

1 Cronica 29:14

Piru hentei key, siak wey is keet-etawan ku, he ebpekeveǥey key te utew subra he iring kayi? Langun he menge vutang ne ziyà ebpuun te kenikew, ne ibeǥey zey kenikew is ebpuun ded kenikew.

Salmo 8:4

ebpekeinsà a ziyà te ǥehinawa ku te hengkey ves is menusiyà, maan is utew nu edseǥipaa? Menusiyè dà sikandin, piru maan is utew nu igkeseeng?

Exodus 3:11

Iyan, migkaǥi si Moises diyà te Megbevayà te, “Siak, utew minus is pid-etawan ku; kenà a zait he edhendiyà te hadì wey ebpengulu te menge Israilihanen te kegawas puun te Ehipto.”

Isaias 37:14

Ne hein nepasad ni Hezekia te ebasa is surat he imbeǥey kandin duen te menge menunudtulà, midhendiyà sikandin te valey te Nengazen ne mibekar zin haazà is surat diyà te etuvangan te Nengazen.

Zatù 6:15

Midtavak si Gideon te, “Nengazen, ebmenmenuwen ku te edlibri is menge Israilihanen te iyan kinemeluyahan he pemilya ziyà te tribu ni Manase is kenami he pemilya, ne iyan a kineminusan diyà te pemilya zey.”

Ruth 2:10

Ne si Ruth, hein nezineg din haazà is migkaǥi ni Boaz, ne midluhud sikandin su iyan betasan dan te kedtahud, ke sikandin te, “Maan is egkehizuwan a wey edtevangan a kenikew is lumelengyawà dà dini te keniyu?”

1 Samuel 15:17

Migkaǥi si Samuel te, “Minsan mid-isip nu zengan is keugelingen nu he egkaayuayu, mibpilì ka ǥihapun te Nengazen he egkehimu he hadì te mge tribu te Israel.

1 Samuel 18:18

Midtavak ni David si Saul te, “Hentei e ves wey is pemilya ku he egkehimu a he mekeamung te hadì?”

1 Samuel 9:21

Midtavak si Saul te, “Piru ebpuun a te tribu ni Benjamin, he iyan pinekezeisek he tribu te Israel, ne is pemilya ku ne iyan utew egkaayuayu te tribu zey. Maan is nekaǥi nu heini kedì?”