2 Samuel 7:16 - Manobo Western Bukidnon OT

¹⁶ Ebpedayun te wazà pidtemanan is kenikew he ginhedian, ne is menge kevuwazan nu taman te taman is kedhadì dan.’ ”

2 Samuel 7:16 ပူးပေါင်းရင်းမြစ်များ

Genesis 49:10

Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.

2 Samuel 22:51

Is pinilì nu he hadì ebeǥayan nu te zekelà he menge kezeeǥan. Mahal nu si David wey is menge kevuwazan din te wazà pidtemanan.”

2 Samuel 7:13

Iyan sikandin ebangun te valey para te kebeǥey kedì te zengeg, wey edsigureduwen ku he is menge kevuwazan din ebpekahadì taman te taman.

2 Samuel 7:17

Midtudtul ni Natan ki David is langun he impezayag te Megbevayà diyà te kandin.

1 Hadì 2:4

Emun ebeelan nu heini, ne edtumanen te Nengazen is insaad din kayi te kedì, he iyan is: Emun ebpengungubpaan te hustu he paaǥi is menge kevuwazan ku wey metinumanen he edsunud kandin seled te tivuuk he untung dan, ne layun duen sevaha kandan he edhadì te Israel.

1 Hadì 9:5

ibpehadì ku is menge kevuwazan nu te wazà pidtemanan. Insaad ku heini ziyà te amey nu he si David hein migkeǥiyan ku sikandin te, ‘Kenè ka egkeewaan te kevuwazan he edhadì te Israel.’

2 Hadì 19:34

Edipinsahan ku wey edlibriyen ku heini he inged para meveǥayi a te zengeg wey tenged te penaad ku ki David he suluǥuen ku.’ ”

2 Hadì 8:19

Piru tenged ki David, wazà dèdeeti te Nengazen is Juda, su nenaad is Nengazen diyà te ki David he ebpedayun is kebpekahadì te menge kevuwazan din taman te taman.

2 Cronica 6:16

Ne ǥuntaan, Nengazen he Megbevayà te Israel, elin nu tumana is insaad nu ziyà te amey ku he si David he suluǥuen nu hein migkeǥiyan nu te, ‘Layun nu zuen kevuwazan he ebpekeilis kenikew te kedhadì te Israel emun meupiya is kedsunud te menge kevuwazan nu te kesuǥuan ku iring te mibeelan nu.’

Job 36:7

Wazè din bey-ani is menge metazeng. Ebeǥayan din sikandan te zengeg te wazà pidtemanan duma te menge hadì.

Salmo 45:6

Is ginhedian nu, Megbevayà, ebpedayun te wazà pidtemanan, ne metazeng is kedumelaha nu kayi.

Salmo 72:5

Berakat he ebpedayun is kedhadì din te wazà pidtemanan pinaaǥi te kegkehimu he hadì te menge kevuwazan din, mintras duen pa andew wey vulan.

Salmo 89:4

Is kada egkehimu he hadì te Israel ne ebpuun te menge kevuwazan nu taman te taman; is ginhedian nu ebpedayun te wazà pidtemanan.”

Isaias 9:6

Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Jeremias 17:25

ne layun duen egkahadì kayi te Jerusalem he kevuwazan ni David. Ed-untud is hadì wey menge upisyal zin te menge kerwahi wey menge kudà ne ebparid sikandan pinaaǥi te kedselang te menge pultahan te inged, duma te menge etew te Juda wey Jerusalem. Ne heini is inged he Jerusalem egkeubpaan taman te taman.

Jeremias 33:17

Mibpedayun megkaǥi is Nengazen te, “Layun duen kevuwazan ni David he edhadì te menge etew te Israel.

Ezekiel 37:25

Ed-ubpè dan diyà te tanà he imbeǥey ku te suluǥuen ku he si Jacob, he iyan kes tanà he mid-ubpaan te menge kepuun dan. Dutun dan wey is menge kevuwazan dan ebpekeubpà taman te taman, ne edhedian sikandan te kevuwazan te suluǥuen ku he si David te wazà pidtemanan.

Daniel 2:44

“Dutun te timpu te kedhadì kayi te menge pengulu, edtukud is Megbevayà diyà te langit te sevaha he ginhedian he kenà egkezeetan te minsan keenu. Ne kenà heini egkezaag te zuma he ginhedian, su edèdeetan din pa ganì is langun he ginhedian ne ebpedayun heini he ginhedian taman te taman.

Daniel 7:14

Mibeǥayan sikandin te zengeg wey keǥehem te kedhadì, ne ebpenilbi kandin is langun he menge etew ziyà te nekedseselekawà he menge nasyun, menge kepuun, wey menge kineǥiyan. Ne ebpedayun is kedhadì din te wazà pidtemanan ne wazà ebpekezezaat kayi.

1 Samuel 25:28

Peseyluwa a kenikew te menge kegkurang ku. Siguradu he edhimuwen ka te Nengazen he hadì wey is menge kevuwazan nu, su mibpekidtebek ka tenged kandin. Deyzey ke kenè ka ebaal te mezaat te kemulu ke pa uuyag.