2 Samuel 7:15 - Manobo Western Bukidnon OT

¹⁵ Piru kenà egkaawà is kebmahala ku kandin, kenà iring te mid-ulaula ku ki Saul he nepuliyan nu he hadì.

2 Samuel 7:15 ပူးပေါင်းရင်းမြစ်များ

2 Samuel 7:14

Egkehimu he iyan a amey zin, ne iyan daan sikandin anak ku. Emun ebpekesalà sikandin, ne ebmensuwen ku sikandin iring te kebmansu te amey te anak din.

2 Samuel 7:16

Ebpedayun te wazà pidtemanan is kenikew he ginhedian, ne is menge kevuwazan nu taman te taman is kedhadì dan.’ ”

1 Hadì 11:13

Piru kenè ku ed-eminen egkuwaa ziyà te kandin is tivuuk he ginhedian; kekenà, edsemaan ku ziyà te kandin is sevaha he tribu tenged te suluǥuen ku he si David wey tenged te Jerusalem he pinilì ku he inged.”

Salmo 89:28

Ebpedayun is kebmahala ku kandin te wazà pidtemanan, ne kenà egkaawà taman te taman is kebpekid-uyun ku kandin.

Salmo 89:33

Piru ebmahalen ku wey ed-unungan ku ǥihapun si David.

Salmo 89:34

Edtumanen ku is kebpekid-uyun ku kandin, wey is impesarig ku kandin.

Salmo 89:49

Nengazen, hendei en is gaǥew nu he iring duen te nehuna, he insaad nu ziyà te ki David dengan tenged te kebmetinumanen nu?

Isaias 37:35

Edipinsahan ku wey edlibriyen ku heini he inged para meveǥayi a te zengeg wey tenged te penaad ku ki David he suluǥuen ku.”

Isaias 55:3

Uvey kew wey mebpemineg kediey su wey kew meuyag. Ebpekid-uyun a keniyu te wazà pidtemanan. Ibpeehè ku keniyu is gaǥew wey kebmetinumanen ku he insaad ku ki David.

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

1 Samuel 15:23

Is kebpekidsukulà te Nengazen iring ded kezaat te kebpeveveyilan, ne is kegkemesinupaken iring ded kezaat te ked-azap te zuma he menge ed-ezapen. Geina te inselikwey nu is suǥù te Nengazen, idselikwey ke zin daan pinaaǥi te kegkeewaa kenikew he hadì.”

1 Samuel 15:26

Piru midtavak si Samuel te, “Kenà a eduma kenikew. Inselikwey nu is suǥù te Nengazen, umbe inselikwey ke zin he iyan hadì te Israel.”

1 Samuel 15:28

Migkeǥiyan ni Samuel te, “Iring kayi is egkeulaula kenikew: egkuwaan guntaan te heini he andew te Nengazen diyà te kenikew is ginhedian te Israel ne ibeǥey zin te iring nu zed he Israilihanen he meupiya pa kenà sikew.

1 Samuel 16:14

Dutun he timpu mid-awà diyà te ki Saul is Mulin-ulin te Nengazen, ne midrasey sikandin te mezaat he mulin-ulin he midsuǥù te Nengazen.

1 Samuel 19:24

Hein diyè en sikandin, midluwas din is kumbalè din, ne ebpenagnè en sikandin dutun te etuvangan ni Samuel. Midluluwas sikandin te tivuuk andew wey mezukilem. Iyan heini menge insà te menge etew, “Nehimu en be he menenagnà si Saul?”