2 Samuel 7:14 - Manobo Western Bukidnon OT

¹⁴ Egkehimu he iyan a amey zin, ne iyan daan sikandin anak ku. Emun ebpekesalà sikandin, ne ebmensuwen ku sikandin iring te kebmansu te amey te anak din.

2 Samuel 7:14 ပူးပေါင်းရင်းမြစ်များ

1 Hadì 11:34

Piru kenè ku edhewien is tivuuk he ginhedian diyà te ki Solomon. Ebpekahadì sikandin seled te tivuuk he untung din tenged te suluǥuen ku he si David he pinilì ku he midtuman te menge suǥù ku wey menge sulunuzen he imbeǥey ku.

1 Hadì 9:6

Piru emun ed-iniyuǥan a keniyu wey te menge kevuwazan niw su kenè niw edtumanen is menge suǥù wey menge sulunuzen he imbeǥey ku keniyu, wey ke ebpenilbi kew wey ed-azap te zuma he menge ed-ezapen,

1 Cronica 17:13

Ne iring a te amey zin, ne iring daan sikandin te anak ku. Kenà egkehalin is kebmahala ku kandin, kenà iring te mibeelan ku ki Saul he nepuliyan nu he hadì.

1 Cronica 22:10

Iyan sikandin edtukud dutun te valey ku para te kegkeveyawa te ngazan ku. Edhimuwen ku sikandin he anak ku, ne egkehimu a zaan he amey zin. Ne is menge kevuwazan din ne egkehimu he hadì te Israel te wazè en pidtemanan.’

1 Cronica 28:6

Migkeǥiyan e zin te, ‘Is anak nu he si Solomon iyan ebpekepetukud te valey ku wey te menge lama kayi. Su mibpilì ku sikandin he egkehimu he anak ku, ne egkehimu a zaan he amey zin.

Job 5:17

“Deyzey is etew he edtulizen te Megbevayà is betasan din. Umbe kenè nu isipa he mezaat is kebmensuwa kenikew te Mekeǥeǥehem he Megbevayà,

Salmo 2:7

Ne migkaǥi haazà is hadì he mibpilì te Megbevayà te, “Ibpehayag ku is migkaǥi kedì te Nengazen te, ‘Iyan ka Anak ku, ne ǥuntaan ibpekilala ku he amey ad kenikew.

Jeremias 30:11

Su zuma a keniyu ne edlibriyen ku sikiyu. Ebpurungan ku edezeeti is menge nasyun he zutun kew ipeyapat. Piru kenè ku mulà heini ed-ul-uluhan diyà te keniyu. Piru kenà heini ebpesavut he kenè ku sikiyu edsilutan. Ebmensuwen ku sikiyu te hustu he paaǥi.”

Deuteronomio 8:5

Kinahanglan he ed-is-isipen niw he is amey ebmensuwen din is anak din, ne is Nengazen he Megbevayè niw ne ebmansu zaan keniyu.