2 Samuel 7:11 - Manobo Western Bukidnon OT

¹¹ puun pa te timpu te kedsevuki ku te menge pengulu te menge etew ku he Israilihanen. Ebeǥayan ku te kelinew is ginhedian nu, ne wazè en kuntada he ebpekeseled dutun. Iyan a, is Nengazen, migkaǥi kenikew he iyan edhadì layun is sevaha te menge kevuwazan nu.

2 Samuel 7:11 ပူးပေါင်းရင်းမြစ်များ

2 Samuel 7:1

Diyè en si Hadì David med-ubpà te turuǥan din, ne mibeǥayan te Nengazen te kelinew is ginhedian din, he wazè en igkaandam he edsurung.

2 Samuel 7:19

Ne guntaan, Nengazen he MEGBEVAYÀ, duen pa penaad nu mehitenged te egkepaabut te pemilya ku. Iyan be heini kes neleyaman en he ebeelan nu te etew?

2 Samuel 7:27

Nengazen he Mekeǥeǥehem, Megbevayà te Israel, zuen ku kevurut te kebpengemuyù kayi ziyà te kenikew tenged te impahayag nu kedì te suluǥuen nu he layun duen egkehimu he hadì he sevaha te menge kevuwazan ku.

1 Hadì 11:38

Emun edtumanen nu is langun he idsuǥù ku kenikew wey edsunuzen nu is menge paaǥi ku, wey emun ebaal ka te meupiya ziyà te etuvangan ku pinaaǥi te kedtumana nu te menge sulunuzen he ibpesunud ku wey menge suǥù iring te mibeelan ni David he suluǥuen ku, eduma a kenikew. Ebpekepedayun ebpekahadì is menge kevuwazan nu iring te menge kevuwazan ni David, ne ibeǥey ku kenikew is Israel.

1 Hadì 2:24

Is Nengazen iyan mibpilì wey midhimu kedì he ilis te amey ku he hadì he si David. Midtuman din is penaad din he ibeǥey zin kayi te kedì is ginhedian wey ziyà te menge kevuwazan ku. Umbe idsesapè ku ziyà te uuyag he Nengazen he ibpehimetayan ku si Adonia guntaan dà he andew.”

1 Cronica 17:10

puun pa te timpu te kedsevuki ku te menge pengulu te menge etew ku he Israilihanen. Edaaǥen ku is langun he menge kundata nu David. Iyan a, is Nengazen egkaǥi kenikew he edhadì layun is sevaha te menge kevuwazan nu.

1 Cronica 22:10

Iyan sikandin edtukud dutun te valey ku para te kegkeveyawa te ngazan ku. Edhimuwen ku sikandin he anak ku, ne egkehimu a zaan he amey zin. Ne is menge kevuwazan din ne egkehimu he hadì te Israel te wazè en pidtemanan.’

Job 34:29

Piru minsan ebpereremek wey ed-eles is Megbevayà, ne wazà ebpekekaǥi he kenà hustu is ebeelan din. Piru is tutuu, ebentayan te Megbevayà is menge etew wey is menge nasyun,

Salmo 106:42

Midaagdaag sikandan wey mid-uripen te menge kuntada zan.

Salmo 127:1

Emun kenà edtavang is Nengazen te kedtukud te valey, ne kenà ebpulus is kahaǥù te midtukud kayi. Emun kenà ebentayan te Nengazen is inged, ne kenà ebpulus is kebentayi kayi te menge vantey.

Salmo 46:9

Ibpeengked din is menge tebek kayi te tivuuk he kelibutan. Ebpemedtìen din is menge panà wey menge vangkew, ne idrapug din is menge kelasag.

Exodus 1:21

Ne ǥeina te midtahud dutun te menge mengunguyamu is Megbevayà, mibeǥayan din sikandan te keugelingen dan he menge pemilya.

Erubasa 14:1

Is bahi he uluwanen, ebpurungan din is pemilya zin, iyan, is tulebung mulà he vahi edezeetan din is kandin he pemilya.

1 Samuel 2:35

Ne ebpilì a te metazeng wey metinumanen he memumuhat he edsunud te egkesuatan ku. Ne ebeǥayan ku sikandin te menge kevuwazan he ebpenilbi te mibpilì ku he hadì taman te taman.

1 Samuel 25:28

Peseyluwa a kenikew te menge kegkurang ku. Siguradu he edhimuwen ka te Nengazen he hadì wey is menge kevuwazan nu, su mibpekidtebek ka tenged kandin. Deyzey ke kenè ka ebaal te mezaat te kemulu ke pa uuyag.