2 Samuel 7:1 - Manobo Western Bukidnon OT

¹ Diyè en si Hadì David med-ubpà te turuǥan din, ne mibeǥayan te Nengazen te kelinew is ginhedian din, he wazè en igkaandam he edsurung.

2 Samuel 7:1 ပူးပေါင်းရင်းမြစ်များ

2 Samuel 5:11

Dutun he timpu, midsuǥù si Hadì Hiram he hadì te Tyre te menge menunudtulà diyà te ki David duma is menge pandey, menge tigsimintu, wey mibpeuwit te menge kayu he sidru, su ebengunen dan is turuǥan ni David.

2 Samuel 6:23

Ne wazè en med-anak si Mical taman te kebpatey zin.

2 Samuel 7:11

puun pa te timpu te kedsevuki ku te menge pengulu te menge etew ku he Israilihanen. Ebeǥayan ku te kelinew is ginhedian nu, ne wazè en kuntada he ebpekeseled dutun. Iyan a, is Nengazen, migkaǥi kenikew he iyan edhadì layun is sevaha te menge kevuwazan nu.

1 Hadì 5:4

Piru ǥuntaan mibeǥayan a te Nengazen he Megbevayè ku te kelinew diyà te peliǥuy, su wazè ku en menge kuntada wey wazè en daan bangkit.

1 Cronica 22:6

Ne impetawag ni David sikan is anak din he si Solomon, ne midsuǥù din te kabangun te valey te Nengazen he Megbevayà te Israel.

1 Cronica 22:7

Migkeǥiyan ni David si Solomon te, “He mama, egkesuatan ku pezem he edtukud te valey te Nengazen para te kegkeveyawa te ngazan te Nengazen he iyan Megbevayè ku.

1 Cronica 28:2

Hein nengevurun dan en ne midhitindeg si David he migkaǥi te, “Pemineǥa a keniyu, menge suled wey menge keet-etawan ku. Egkesuat a he ebangun te valey te Nengazen para egkesevukan duen te Kavan te Kebpekid-uyun te Nengazen he Megbevayè tew, para zuen egkeuntuzan te paa zin. Ne neisip ku is edtukuzen en heini.

2 Cronica 14:6

Hein melinew en, mibpeveelan din te verengbeng is menge inged te Juda. Ne wazè en ebpekidtebek te haazà he timpu su mibeǥayan te Nengazen sikandin te kelinew.

2 Cronica 20:30

Umbe, melinawen is ginhedian ni Jehoshafat su midhimu te Megbevayà he kenè sikandin mekepekidtebek te menge etew he nekeliǥuy kandin.

Salmo 132:5

taman te kebpeketuredu ku te lugar he egkeubpaan te Nengazen, he iyan kes Mekeǥeǥehem he Megbevayà ni Jacob.”

Salmo 18:1

Nengazen, iyan ka mibeǥey kedì te zesen, ne mahal ku sikew.

Erubasa 16:7

Emun igkesuat te Nengazen is menge ulaula ta, edhimuwen din he meemiǥu ta is menge kuntada ta.

Josue 21:44

Ne impemelinew te Nengazen is ked-ubpè dan su wazè dan en mekepekidtebek te menge kuntada zan diyà te peliǥuy, su iyan heini insaad te Nengazen diyà te menge kepuun dan. Wazà sikandan mezaag te menge kuntada zan su impezaag kandan te Nengazen is langun he menge kuntada zan.

Josue 23:1

Seled te meluǥayad he timpu is kebeǥey te Nengazen te kelinew ziyà te Israel su wazè en sikandan mekepekidtebek te menge kuntada zan diyà te peliǥuy zan. Ne si Josue utew en meǥurang,