2 Samuel 6:22 - Manobo Western Bukidnon OT

²² ne subra pa is ebeelan ku he mekeeled-eled. Igkeeled nu is ebeelan ku, piru ebentuǥen a mulà te menge vahi he egkeǥiyen nu he menge suluǥuen.”

2 Samuel 6:22 ပူးပေါင်းရင်းမြစ်များ

Genesis 32:10

Ne siak is suluǥuen nu, kenà a zait te zekelà he ǥaǥew nu kediey he kenà egkaamin. Dengan hein midrapas a kayi te wahig he Jordan su edhendiyà a te ki Laban ne iyan dà naazen ku zutun is tuked ku. Ne ǥuntaan utew mezakel is menge azen ku su egkehimu he ebehinen te zezuwa he vahin.

2 Samuel 6:21

Migkeǥiyan ni David si Mical te, “Mibeelan ku haazà diyà te etuvangan te Nengazen he iyan mibpilì kedì he ilis te amey nu wey te minsan hentei he ziyà te pemilya zin. Mibpilì e zin he iyan edumala te keet-etawan din he menge Israilihanen. Umbe wazà ebpekevelavag te kedsilibra ku ziyà te etuvangan te Nengazen,

2 Samuel 6:23

Ne wazè en med-anak si Mical taman te kebpatey zin.

Job 40:4

“Kenà a ereg he edtavak kenikew. Hengkey is idtavak ku? Ebpereremek e zà.

Job 42:6

Umbe, ingkeeled ku is langun he mibpengaǥi ku mehitenged kenikew, ne idsendit ku haazà pinaaǥi te kebpinuu ku ziyà te eliyavuk wey avu.”

Salmo 131:1

He Nengazen, kenà a gelbuwen wey mepelevawen. Wazà a mebpenganduy te zekelà wey mekeayam-ayam he menge vutang he kenè ku egkevaug.

Isaias 50:6

Idtaan ku is peka ku ziyà te menge edlagkut kedì wey is buked ku ziyà te menge ebpemazut te sumpè ku. Ebpesegdanen ku en sikandan te kebpe-el-elezi zan kedì wey ked-ilevi zan te vuked ku.

Isaias 51:7

Pemineg kew kediey is nengesayud ke hengkey is hustu wey edtuman te kesuǥuan ku! Kenè kew mahandek te kedsudì wey ked-eled-eled te menge etew keniyu.

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.