2 Samuel 6:16 - Manobo Western Bukidnon OT

¹⁶ Hein idseled dan en haazà is Kavan te Nengazen dutun te Inged ni David, mibpantew si Mical he anak ni Saul ziyà te bintanà. Ne neehè din si Hadì David is edlinglingketew en is edsayew ziyà te etuvangan te Nengazen, ne neepes si Mical te mibeelan ni David.

2 Samuel 6:16 ပူးပေါင်းရင်းမြစ်များ

2 Samuel 3:14

Midsuǥù si David te etew he ibpepenudtul ziyà te ki Ishboshet te, “Ilikù nu kayi te kedì is esawa ku he si Mical. Su 100 he Filistihanen is midhimetayan ku ne migkuwa ku is lundis te purù te sineruwan dan he iyan sunggud ku te ked-esewaa ku ki Mical.”

2 Samuel 5:7

Piru naaǥew ni David is melig-en he kutà te Zion, he egngezanan guntaan te Inged ni David.

2 Samuel 6:15

Dutun te kedhipanew te menge etew te Israel he ed-uwit te Kavan te Nengazen, ebpemengulahì dan is ebpezaǥing te menge vudyung.

2 Samuel 6:20

Ne mid-ulì daan si David su ebpenubtuvazan din is tivuuk he pemilya zin, ne midtelavuk sikandin ni Mical he anak ni Saul, ne migkeǥiyan din te, “Henduen te hentei he telehuzen is hadì te Israel guntaan he andew! Midsayew sikandin he samè dà kenà medlelevas dutun te etuvangan te menge suluǥuen he menge vahi te menge upisyal zin. Baal zà heeyan te wazè din keelezan.”

1 Cronica 15:29

Hein idseled dan en haazà is Kavan te Kebpekid-uyun te Nengazen dutun te Inged ni David, mibpantew si Mical he anak ni Saul ziyà te bintanà. Ne neehè din si Hadì David is edsayew te kegkelipey zin, ne neepesan din.

Salmo 123:3

Kehizuwi key, Nengazen, su utew key en ebpendezeisaya.

Salmo 69:7

Su tenged kenikew ed-insultuwan a wey ebpeel-elezan.

Isaias 53:3

Mid-undaunda sikandin wey inselikwey te menge etew. Mahabet is neseǥazan din he menge kemeresayan wey menge elentusen. Mid-iniyuǥan tew sikandin, midsudì tew, wey mid-isip tew he wazè din bali.

1 Samuel 18:17

Ne zutun migkeǥiyan ni Saul si David te, “Andam ad he ibpeesawa ku kenikew is kinekekayan he anak ku he si Merab asal ibpeehè nu kedì is kevurut nu te kebpekidtebek para te Nengazen.” Diyà te isip ni Saul he te heini he paaǥi ne kenè en iyan sikandin ebpekepatey ki David ke kenà menge Filistihanen is ebpekepatey kandin.

1 Samuel 18:20

Duen anak ni Saul he vahi he si Mical he mibmahal zin si David. Nezineg haazà ni Saul ne utew sikandin nesuat.