2 Samuel 5:7 - Manobo Western Bukidnon OT

⁷ Piru naaǥew ni David is melig-en he kutà te Zion, he egngezanan guntaan te Inged ni David.

2 Samuel 5:7 ပူးပေါင်းရင်းမြစ်များ

2 Samuel 5:8

Hein wazè pa meselezi ni David is Jerusalem, ne migkeǥiyan din is menge sakup din te, “Diyè kew vayà te ebeyaan te wahig para mekeseled kew ziyà te Jerusalem, ne egkezaag niw is menge Jebusihanen he iring te menge pigket wey menge lakap. Utew ku en sikandan kuntada!” Iyan heini erubasa he nehimu tenged dutun, “Kenà ebpekeseled is lakap wey pigket dutun te valey te Nengazen.”

2 Samuel 5:9

Hein naaǥew en ni David haazà is Zion, diyè en sikandin med-ubpà, ne migngezanan din haazà te Inged ni David. Ne mibpeumanan din haazà pepelinguti te verengbeng puun te mevavà he vahin dutun te inged.

2 Samuel 6:10

Ne zutun neisip din he kenè din en ed-uwiten diyà te inged din haazà is Kavan te Nengazen. Diyè din itaǥak haazà te valey ni Obed Edom he tig-Gat.

2 Samuel 6:12

Netudtulan si Hadì David he midtuvazan te Nengazen is pemilya ni Obed Edom wey is langun he ǥaked din tenged dutun te Kavan te Kebpekid-uyun te Megbevayà. Ne zutun midhendiyà si David te valey ni Obed Edom ne migkuwa zin haazà is Kavan te Kebpekid-uyun te Megbevayà su ed-uwiten din diyà te inged din duma is kelipey.

2 Samuel 6:16

Hein idseled dan en haazà is Kavan te Nengazen dutun te Inged ni David, mibpantew si Mical he anak ni Saul ziyà te bintanà. Ne neehè din si Hadì David is edlinglingketew en is edsayew ziyà te etuvangan te Nengazen, ne neepes si Mical te mibeelan ni David.

1 Hadì 2:10

Ne te huziyan he timpu mibpatey si David ne inleveng diyà te inged din.

1 Hadì 3:1

Pinaaǥi te kebpengesawa ni Solomon te anak te Faraon, he hadì te Ehipto, nehimu sikandin he zumezapig kayi he nasyun. Mid-uwit din is esawa zin ne ziyè din dèpa ipeubpà te Inged ni David taman te nepasad is kebenguna te turuǥan din, baley te Nengazen, wey is menge verengbeng peliǥuy te Jerusalem.

1 Hadì 8:1

Impetawag ni Hadì Solomon diyà te Jerusalem is menge edumala te Israel wey is langun he menge pengulu te menge tribu wey menge pemilya te Israel, su ibpekuwa zin kandan sikan is Kavan te Kebpekid-uyun te Nengazen puun te Zion he Inged ni David.

1 Hadì 9:24

Hein nepasad en haazà is turuǥan he mibpeveelan ni Solomon he para te esawa zin he anak te hadì te Ehipto, inhalin din is esawa zin diyà te Inged ni David. Ne hein nekahalin en, mibpetembakan din is mevavà he vahin dutun te inged.

1 Cronica 11:7

Hein naaǥew en ni David haazà is utew melig-en he kutà, diyè en sikandin med-ubpà, umbe migngezanan te menge etew haazà te Inged ni David.

2 Cronica 24:16

Diyà sikandin ileveng te penlevengà te menge hadì diyà te Inged ni David, tenged te menge meupiya he nengeveelan din para te Israel wey para te Megbevayà wey para te valey zin.

2 Cronica 5:2

Impetawag ni Hadì Solomon diyà te Jerusalem is menge edumala te Israel wey is langun he menge pengulu te menge tribu wey menge pemilya te Israel, su ibpekuwa zin kandan sikan is Kavan te Kebpekid-uyun te Nengazen puun te Zion he Inged ni David.

Nehemias 3:15

Is mibangun te Pultahan Pehendiyà te Serebseb iyan is anak ni Col Hoze he si Shalum, he pengulu te distritu te Mizpa. Mid-etepan din heini, intaud din is menge lekeb, wey mibeelan din te menge trangka. Mibangun din daan is berengbeng te pemeziǥuey he Siloam, he uvey te pemuleey te hadì, taman te veyeey he mid-iring te heǥezan he impetupang puun te Inged ni David.

Salmo 132:13

Tutuu he mibpilì wey midtinguhà te Nengazen is Zion, he iyan edhimuwen din he ubpeey zin. Ke sikandin te,

Salmo 2:6

Ke sikandin te, “Diyà te Zion, kes segradu he vuvungan ku, insavuk ku is mibpilì ku he hadì.”

Salmo 48:12

Menge tig-Israel, liǥuya niw is Zion ne vilanga niw is menge turi kayi.

Salmo 48:3

Diyà is Megbevayà te melig-en he menge vahin te Jerusalem, ne impeehè din en te menge meǥinged kayi he iyan sikandin eputè dan.

Salmo 51:18

He Megbevayè ku, tuvazi nu is Zion, he iyan is inged he Jerusalem su igkelipey nu is kebaal kayi. Umana nu venguna sikan is menge verengbeng kayi.

Salmo 9:11

Sikiyu is menge etew, kentahi niw te kedalig is Nengazen he edhadì diyà te Zion. Iseysey niw ziyà te menge nasyun is nengeveelan din!

Isaias 12:6

Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”

Isaias 59:20

Migkaǥi is Nengazen te, “Ebpekeuma ziyà te Zion is menluluwas niw te menge kevuwazan ni Jacob, ne edlibriyen din is ed-engked he ebaal te salà.

Jeremias 21:13

Kuntada ku sikiyu is menge tig-Jerusalem, sikiyu is ebpemen-ubpà diyà te melig-en he lugar he ebpekepantew te suǥud. Sikiyu is ebpegalbu he egkaǥi te, ‘Kenè kiw egkemenu kayi! Wazà ebpekeseled kayi te melig-en he inged tew.’

Micas 4:2

Ke sikandan te, “Hendini kew en, su edtekezeg kiw ziyà te vuntud te Nengazen, diyà te valey te Megbevayà ni Jacob. Su ebpenuruen kiw zin te menge paaǥi zin su wey tew metuman heini.” Umbe, ed-ulì is menge etew he ebpuun diyà te Zion, he iyan is inged he Jerusalem, ne ed-uwiten dan is kesuǥuan te Nengazen.