2 Samuel 5:23 - Manobo Western Bukidnon OT

²³ Ne mid-uman mebpenginginsà si David diyà te Nengazen, ne midtavak is Nengazen te, “Kenè niw ǥègaani te edsurung, kekenà, linguti niw sikandan ne surunga niw ziyà te uvey te menge kayu he balsam.

2 Samuel 5:23 ပူးပေါင်းရင်းမြစ်များ

2 Samuel 2:1

Nepasad haazà, nenginginsà si David te Nengazen, “Edlikù e ve ziyà te sevaha he inged he sakup te Juda?” Midtavak is Nengazen te, “Uya.” Mid-insà si David te, “Hendei?” Midtavak is Nengazen te, “Diyà te Hebron.”

2 Samuel 5:19

Umbe, nenginginsà si David te Nengazen, “Edsurungen dey ve is menge Filistihanen? Ibpezaag nu ve sikandan kenami?” Midtavak is Nengazen diyà te kandin, “Uya, ǥenat kew en, su ibpezaag ku sikandan keniyu.”

1 Cronica 14:14

Ne mid-uman mebpenginginsà si David diyà te Megbevayà, ne midtavak is Megbevayà diyà te kandin te, “Kenè niw ǥègaani te edsurung, kekenà, linguti niw sikandan ne surunga niw ziyà te uvey te menge kayu he balsam.

Josue 8:2

Beeli niw ziyà te Ai wey ziyà te hadì dutun is iring te mibeelan niw ziyà te Jerico wey zuen te hadì te Jerico; piru ǥuntaan egkehimu en human ke egkuwaan niw is menge azen dan wey is menge uyaǥen dan he para en keniyu. Pengandam kew ne eyani niw sikandan, ne ziyè kew vayà te egkeiniyuǥan te inged.”

Josue 8:7

Ne zutun seǥuǥunè kew ǥawas puun te mid-elesan niw ne eǥawa niw is inged. Ibeǥey heini keniyu te Nengazen he Megbevayè niw.

1 Samuel 22:15

Uya, mid-insaan ku is Megbevayà mehitenged kandin, kenà guntaan pa, kekenà, duen te nehuna pa. Piru edhangyù a kenikew he kenà a kenikew isumbung wey is tivuuk he pemilya ku, su wazè ku metueni heini he menge hitavù.”

1 Samuel 23:2

mid-insà sikandin te Nengazen te, “Edsurungen ku ve is menge Filistihanen.” Midtavak is Nengazen te, “Uya, surunga nu en wey melibri is Keila.”