2 Samuel 5:2 - Manobo Western Bukidnon OT

² Puun pa zengan, minsan te iyan pa si Saul hadì dey, ne iyan ke pa nengulu te menge Israilihanen te kebpekidtebek. Ne migkeǥiyan ka te Nengazen te, ‘Elimahi nu is menge etew ku he Israilihanen te iring te ked-elima te ebantey te menge kerehidu. Iyan ka egkehimu he pengulu zan.’ ”

2 Samuel 5:2 ပူးပေါင်းရင်းမြစ်များ

Genesis 49:24

piru edsiguduwan nu zaan sikandan ebpenaa. Ne kenà egkeewaan te zesen is beklawan nu, tenged te tavang te Gemhanan he Megbevayè ku he ebantey wey eputà he vatu te Israel.

2 Samuel 6:21

Migkeǥiyan ni David si Mical te, “Mibeelan ku haazà diyà te etuvangan te Nengazen he iyan mibpilì kedì he ilis te amey nu wey te minsan hentei he ziyà te pemilya zin. Mibpilì e zin he iyan edumala te keet-etawan din he menge Israilihanen. Umbe wazà ebpekevelavag te kedsilibra ku ziyà te etuvangan te Nengazen,

2 Samuel 7:7

Hein kedhalinhalin ku he zuma ku is menge etew ku he Israilihanen, wazà ad megkaǥi ziyà te menge pengulu, he midsuǥù ku te ked-elima kandan, te maan is wazè e zan tukuzi te utew mekempet he valey he zutun a ed-ezapa he sidru is menge pengawid din.’

2 Samuel 7:8

“Keǥiyi nu pa si David he iyan a, is Nengazen he Mekeǥeǥehem, egkaǥi te, ‘Mibantey ke zà dengan te menge kerehidu, piru mibpilì ku sikew he edumala te menge etew ku he Israilihanen.

2 Hadì 20:5

“Likù ka ziyà te ki Hezekia, he pengulu te menge etew ku, ne keǥiya nu heini: ‘Iyan heini lalag te Nengazen he Megbevayà te kepuun nu he si David: Nezineg ku is pengemuyù nu wey neehè ku is menge luhè nu. Ne ebewian ku sikew. Iketelu he andew puun guntaan ne ebpekeenew ke en, ne hendiyè ka te valey ku.

1 Cronica 11:2

Puun pa zengan, minsan te iyan pa si Saul hadì dey, ne iyan ke pa nengulu te menge Israilihanen te kebpekidtebek. Ne migkeǥiyan ka te Nengazen he Megbevayà te, ‘Elimahi nu is menge etew ku he Israilihanen he iring te ked-elima te ebantey te menge kerehidu. Iyan ka egkehimu he pengulu zan.’ ”

2 Cronica 1:10

Beǥayi a te ketau wey keuluwanen wey ku mezumala heini he keet-etawan. Su hentei zà buwa etawa is ebpekehimu he edumala kayi te utew mezakel he keet-etawan nu?”

Isaias 40:11

Ed-etimanen din is menge etew zin iring te ked-etiman te ebantey te menge kerehidu: Edsepipiyen din is dezeisey pa he menge kerehidu ne meelima sikandin he egiya zuen te menge telenati.

Isaias 55:4

Midhimu ku sikandin he pengulu te menge nasyun, ne pinaaǥi kandin impeehè ku kandan is gehem ku.

Ezekiel 34:23

Ebeǥayan ku sikandan te sevaha he tig-elima he kevuwazan te suluǥuen ku he si David. Iyan sikandin ed-atur wey egkehimu he ed-elima.

Micas 5:4

Edumala heini he pengulu ne ed-elimahan din is menge etew te Israel he iring sikandin te perevantey te menge kerehidu. Edhimuwen din heini pinaaǥi te zesen wey gehem te Nengazen he Megbevayè din. Ne ebpengungubpaan is menge etew zin he wazè dan igkahandek su egkilelaan te menge etew te tivuuk he kelibutan is kegkemekeǥeǥehem din.

Numero 27:17

he ebpengulu kandan duen te tebek, su para kenà meiring is menge etew nu te menge kerehidu he wazà duen ebantey.”

1 Samuel 13:14

Piru kenè en heeyan egkehitavù, su zuen en naahà te Nengazen he etew he ebpemineg kandin, wey iyan edhimuwen din he ebpengulu te keet-etawan din tenged te wazè nu tumana is suǥù din.”

1 Samuel 16:1

Neuma is timpu zutun, ne migkeǥiyan te Nengazen si Samuel te, “Sengemenu ves keluǥayad is kedlalew nu ki Saul? Id-awè ku en sikandin he hadì te Israel. Guntaan penua nu te lana heeyan is teleǥuey nu he sungey, ne hendiyè ka te ki Jesse he tig-Betlehem, su mibpilì ku is sevaha zutun te menge anak din he iyan egkehimu he hadì.”

1 Samuel 18:13

Umbe, impekeziyù din si David kandin, ne midhimu zin he peremandar te 1,000 he sundaru. Umbe iyan si David egalen te menge sundaru te kebpekidtebek.

1 Samuel 18:16

Piru utew nengesuat is langun he Israilihanen wey tig-Juda ki David, tenged te iyan sikandin ebpengulu kandan te kebpekidtebek.

1 Samuel 18:5

Midmelempusen si David te mibpeveelan kandin ni Saul, umbe midhimu ni Saul sikandin he egalen te menge sundaru. Nesuatan sikandin te menge etew minsan is menge upisyal ni Saul.

1 Samuel 25:28

Peseyluwa a kenikew te menge kegkurang ku. Siguradu he edhimuwen ka te Nengazen he hadì wey is menge kevuwazan nu, su mibpekidtebek ka tenged kandin. Deyzey ke kenè ka ebaal te mezaat te kemulu ke pa uuyag.

1 Samuel 25:30

Emun egkeulaula en is langun he menge meupiya he insaad kenikew te Nengazen, ne iyan ke en hadì te Israel,

1 Samuel 9:16

“Keeselem te iring ded kayi he uras, duen sevaha he etew he ibpehendiyan ku he ebpuun te lugar he Benjamin. Lenahi is ulu zin he iyan tuus he iyan sikandin nepilì he pengulu te menge etew ku he Israilihanen. Iyan sikandin edlibri te menge etew ku he nengesakup te menge Filistihanen, su neehè ku is kebpekeantus dan utew, wey nezineg ku is kebuyù dan te tavang.”