2 Samuel 3:9 - Manobo Western Bukidnon OT

⁹ Emun iyan heeyan, ne deyzey pa ke ed-uǥupan ku si David he metuman is saad kandin te Nengazen, ne verakat he siluti a te Megbevayà emun ke kenè ku sikandin edtevangan.

2 Samuel 3:9 ပူးပေါင်းရင်းမြစ်များ

2 Samuel 19:13

Ne keǥiya niw heini ki Amasa, ‘Tenged te lengesa ku en sikew, edhimuwen ku sikew he peremandar te menge sundaru ku he id-ilis ku ki Joab. Emun ke kenè ku heini ebeelan, ne berakat he purungi a siluti te Megbevayà.’ ”

2 Samuel 19:14

Tenged kayi, neuwit ni David is langun he tig-Juda ne nesevaha is isip dan. Mibpeuwitan dan te lalag si David he egkaǥi te, “Sikew wey is langun he menge sakup nu, likù kew en kayi te kenami.”

2 Samuel 3:35

Wazà megkaan si David dutun he andew, ne midteǥel sikandin te menge etew he ibpekaan. Piru midsesapà si David he egkaǥi te, “Berakat he purungi a siluti te Megbevayà ke egkaan a te minsan hengkey te kenè pa edsanlep is andew.”

1 Hadì 19:2

Umbe, mibpeuwitan ni Jezebel te lalag si Elias he ed henduen te, “Berakat he zekelà is silut te menge ed-ezapen kediey emun iring kayi he uras keeselem ne kenè ku pa sikew egkepatey, iring te mibeelan nu te menge ebpemeneuven.”

1 Hadì 2:23

Ne midsesapà si Hadì Solomon pinaaǥi te ngazan te Nengazen, he ke sikandin te, “Berakat he siluti a te Megbevayà emun kenà egkepatey si Adonia tenged kayi te hangyù din.

1 Cronica 12:23

Iyan heini kezakel te neǥumeenan he menge sundaru he midhendiyà te ki David diyà te Hebron he ed-uǥup kandin he maaǥew zin is ginhedian ni Saul, sumalà te insaad te Nengazen.

Ruth 1:17

Ke hendei ka ebpatey zutun a zaan ebpatey, ne zutun a zaan idleveng. Berakat he siluti a te Nengazen te utew meveǥat emun edsuwayan ku sikew ǥawas te kemetayen.”

1 Samuel 14:44

Midtavak si Saul te, “Uya! Su emun kenè ku sikew ebpehimetayan, deyzey pezem ke iyan ad edsilutan te Megbevayà te utew mereǥen.”

1 Samuel 15:28

Migkeǥiyan ni Samuel te, “Iring kayi is egkeulaula kenikew: egkuwaan guntaan te heini he andew te Nengazen diyà te kenikew is ginhedian te Israel ne ibeǥey zin te iring nu zed he Israilihanen he meupiya pa kenà sikew.

1 Samuel 25:22

Deyzey ke edsilutan a te Megbevayà te utew mereǥen ke kenè ku egkaamin te edhimatey is langun he menge maama he sakup din.”

1 Samuel 28:17

Midtuman te Nengazen kes migkaǥi zin pinaaǥi kedì. Migkuwa zin is ginhedian te Israel ziyà te kenikew ne imbeǥey zin diyà te iring nu he Israilihanen he si David.

1 Samuel 3:17

Migkaǥi si Eli te, “Hengkey is migkaǥi kenikew te Nengazen? Kenè nu i-eles kedì. Utew mereǥen is silut kenikew te Megbevayà emun kenè nu ibpenudtul is langun he migkaǥi zin kenikew.”