2 Samuel 3:25 - Manobo Western Bukidnon OT

²⁵ Nekilala nu en si Abner. Midhendini sikandin su edlimbungan ke zin, wey ebpeniizan din is langun he ebeelan nu.”

2 Samuel 3:25 ပူးပေါင်းရင်းမြစ်များ

Genesis 42:12

“A, teruen kew iyan,” ke si Jose, “su midhendini kew wey niw iyan maahà is kebpekesavuk dey wey niw metueni ke egkezaag key keniyu.”

Genesis 42:16

Kinahanglan he ebpeveyaan te sevaha keniyu is hazi niw. Is duma keniyu ne ebpirisuwen ku su egezaman ku sikiyu wey ku metueni ke teruen kew. Su emun kenà tutuu is migkaǥi niw ne egketuenan ku he tutuu ves iyan he iyan inhendini niw is kebpeniid.”

2 Samuel 10:3

migkaǥi is menge upisyal te menge Amunihanen diyà te ki Hanun te, “Kunaan nu vuwa ke egketenuzan ni David is amey nu kayi te kedsuǥù din te menge etew para ed-unung kenikew te kelised? Kenà, su midsuǥù din buwa sikandan su para ibpepeniid te inged tew su wey kiw zin mezezeeti?”

2 Samuel 3:24

midhendiyà si Joab te hadì he egkaǥi te, “Hengkey ves is baal nu? Midhengkayi en si Abner, maan is impeǥenat nu pa? Ne, guntaan wazè en sikandin!

2 Samuel 3:26

Mid-awà si Joab dutun te ki David ne midsuǥù he ibpezal-as si Abner. Neseutan dan si Abner ziyà te teheb he Sira ne miduma zan wey mekelikù diyà te Hebron. Piru wazà heini metueni ni David.

2 Samuel 3:27

Hein diyè en si Abner te Hebron, miduma sikandin ni Joab diyà te pultahan te inged he iyan dan dà is dezuwa. Mid-ekalan din te zuen dan kun edlelaǥen. Hein nekeuma zan dutun midunggab ni Joab si Abner ziyà te getek su impenimales din is kedhimetayi ni Abner ki Asahel te suled din. Ne minatey si Abner.

2 Hadì 18:32

Egkehimu heini taman te ebpekelikù a ne edumahan ku sikiyu ziyà te tanà he iring te tanè niw. Haazà is tanà, ne zuen duen menge pemuleey te paras he ebpekeveǥey keniyu te vinu, wey trigu he egkehimu he supas niw, wey zuen daan menge kayu he ulibu wey menge teneb. Tumana niw is egkeǥiyen ku su para meuyag kew ne kenè kew mebpatey. Kenè kew pemineg ki Hezekia su edliveǥen kew zin dà emun egkaǥi sikandin te, ‘Edlibriyen kiw te Nengazen!’

Salmo 121:8

Is Nengazen iyan ed-ipat kenikew ǥuntaan wey taman te taman, minsan hendei ka ebpevayà.

Isaias 37:28

“Piru netuenan ku is langun mehitenged kenikew, ke hendei ka ed-ubpàubpà, etawa hendei ka ebpuun wey ebpevayà, wey ke hengkey is igkepeuki nu kediey.

Numero 27:17

he ebpengulu kandan duen te tebek, su para kenà meiring is menge etew nu te menge kerehidu he wazà duen ebantey.”

Deuteronomio 28:6

Edtuvazan din is langun he menge vaal niw.