2 Samuel 3:20 - Manobo Western Bukidnon OT

²⁰ Hein nekeuma si Abner ziyà te Hebron duma is 20 he menge sakup din, migastu si David para kandan.

2 Samuel 3:20 ပူးပေါင်းရင်းမြစ်များ

Genesis 26:30

Umbe midtukud si Isaac te keemuran para kandan, ne migkaan dan wey nemen-inum dan.

Genesis 31:54

Ne mibpemuhat sikandin dutun te vuvungan ne impekaan din te menge kezuzumahi zin. Ne hein nekekaan dan, dutun dan medhulavung.

2 Samuel 3:19

Mibpekidlalag daan si Abner te tribu ni Benjamin. Ne midhendiyà sikandin te Hebron te kebpenudtul ki David he ed-uyun is menge etew te Israel wey te Benjamin he iyan en hadì dan sikandin.

2 Samuel 3:21

Migkeǥiyan ni Abner si David te, “Mahal he Hadì, pemineǥa a kenikew su edhipanew a ǥuntaan su egkeǥiyan ku is langun he etew te Israel he med-uyun dan he iyan ka hadì dan. Ibpevaal ku sikandan te kesebutan he edewaten ke zan he hadì dan. Ne pudu nu en egkehedii is egkesuatan nu he edhedian.” Umbe impeǥenat ni David si Abner he wazè din menuwa.

Ester 1:3

Ne hein iketelu en he tuig te kedhadì din, midhimu sikandin te zekelà he keemuran para te menge upisyal zin, wey te zuma pa he ebpenilbi kandin. Midtelavuk daan is menge pengulu te sundaru zutun te Persia wey Media, ne elin daan midtelavuk is dungganen he menge etew wey is menge upisyal ziyà te menge prubinsya.

1 Samuel 25:36

Hein nekeuma si Abigail ziyà te valey zan, ne midtukud te keemuran si Nabal he henduen te hadì. Utew sikandin melipayen ne utew sikandin nehubug. Ne wazà sikandin tudtuli ni Abigail taman te egkepawà.