2 Samuel 3:16 - Manobo Western Bukidnon OT

¹⁶ Ne si Paltiel, midtinundug sikandin ki Mical he edsineǥew taman te Bahurim. Migkeǥiyan ni Abner si Paltiel he med-ulì en. Ne mid-ulì en daan sikandin.

2 Samuel 3:16 ပူးပေါင်းရင်းမြစ်များ

2 Samuel 16:5

Hein nekeume en si Hadì David diyà te Bahurim, duen etew he migawas dutun he inged ne mibpenrewakan din si David. Heini he etew ne anak ni Gera he kezuzumahi ni Saul he iyan ngazan din si Shimei.

2 Samuel 17:18

Piru, zuen nekaahà kandan he sevaha he egkengkenakan, ne intazem din diyà te ki Absalom. Ne zutun migaanggaan dan med-awà dutun is dezuwa ne midhendiyè dan te valey te etew ziyà te Baruhim. Heini he etew ne zuen din kalut diyà te uvey te valey zin, ne zutun mebpenaug si Jonatan wey si Ahimaaz te kalut ne zutun dan med-eles.

2 Samuel 19:16

Sikan is tig-Benjamin he egngezanan ki Shimei he anak ni Gera, he ebpuun te Bahurim, migaanggaan medtupang su eduma te edsinuǥung ki David.

2 Samuel 19:17

Duen miduma kandin he 1,000 he tig-Benjamin, apil zutun si Ziba he suluǥuen te pemilya ni Saul, duma is 15 he menge anak din he menge maama wey 20 he menge suluǥuen. Ne migaanggaan dan medhendiyà te Jordan is edtelavuk ki David.

2 Samuel 23:31

si Abi Albon he tig-Araba; si Azmavet he tig-Bahurim;

2 Samuel 3:15

Umbe, midsuǥù si Ishboshet he ibpekuwa si Mical ziyà te nekeesawa kandin he si Paltiel he anak ni Laish.

1 Hadì 2:8

“Timan-i nu si Shimei he anak ni Gera, he sevaha he Benjaminhen he tig-Bahurim. Mibpurungan e zin penrewaki hein midhendiyà a te Mahanaim. Iyan, hein neked-uma key ziyà te Wahig he Jordan, nekepenangdù a ziyà te kandin pinaaǥi te ngazan te Nengazen he kenè ku sikandin edhimetayan.

Jeremias 41:6

Midsinuǥung sikandan ni Ishmael he ebpuun te Mizpa is uvag kun edsineǥew. Migkaǥi si Ishmael te, “Hendini kew, ahàa niw is nehitavù ki Gedalia.”