2 Samuel 3:12 - Manobo Western Bukidnon OT

¹² Ne midsuǥù si Abner te menge etew he ebpekeǥiyan si David te, “Sikew is engayan he edhadì te tivuuk he tanà te Israel. Baal ka te kesebutan ta, ne edtevangan ku sikew he mesakup nu is tivuuk he nasyun te Israel.”

2 Samuel 3:12 ပူးပေါင်းရင်းမြစ်များ

2 Samuel 19:14

Tenged kayi, neuwit ni David is langun he tig-Juda ne nesevaha is isip dan. Mibpeuwitan dan te lalag si David he egkaǥi te, “Sikew wey is langun he menge sakup nu, likù kew en kayi te kenami.”

2 Samuel 19:41

Ne midhendiyà te ki David is langun he menge etew te Israel ne midriklamu su maan is menge tig-Juda is nendesen te kebpeleyuna kandin wey te pemilya zin, wey is langun he menge sakup din.

2 Samuel 19:6

Ebmahalen nu is ebpekigkuntada kenikew, ne egkuntedahan nu is nehizu kenikew. Impeehè nu he wazà pulus te menge upisyal nu wey menge sakup nu. Nesavut ku he meupiya pa ke iyan key nemematey ne si Absalom ne iyan uuyag.

2 Samuel 3:11

Wazè en medtavak si Ishboshet su nahandek sikandin ki Abner.

2 Samuel 3:13

Midtavak si David te, “Uya, ebaal a te kesebutan ta, asal duen ku zaan hangyù kenikew: emun edlikù ka kayi te kedì ne uwita nu is esawa ku he si Mical he anak ni Saul.”

2 Samuel 3:21

Migkeǥiyan ni Abner si David te, “Mahal he Hadì, pemineǥa a kenikew su edhipanew a ǥuntaan su egkeǥiyan ku is langun he etew te Israel he med-uyun dan he iyan ka hadì dan. Ibpevaal ku sikandan te kesebutan he edewaten ke zan he hadì dan. Ne pudu nu en egkehedii is egkesuatan nu he edhedian.” Umbe impeǥenat ni David si Abner he wazè din menuwa.

2 Samuel 3:27

Hein diyè en si Abner te Hebron, miduma sikandin ni Joab diyà te pultahan te inged he iyan dan dà is dezuwa. Mid-ekalan din te zuen dan kun edlelaǥen. Hein nekeuma zan dutun midunggab ni Joab si Abner ziyà te getek su impenimales din is kedhimetayi ni Abner ki Asahel te suled din. Ne minatey si Abner.

2 Samuel 3:38

Ne migkeǥiyan ni David is menge sakup din te, “Wazè niw ve mesavut he is minatey ǥuntaan he andew sevaha he ventuǥan he egalen te Israel?

Salmo 62:9

Is menge etew, dungganen man etawa kenà, ne kenà egkeseriǥan. Neked-iring dà he wazà pulus; emun edtimbangen sikandan ne edhuna pa sikandan he mahagkap te keramag.