2 Samuel 24:24 - Manobo Western Bukidnon OT

²⁴ Piru midtavak ni David, ke sikandin te, “Kenè ku heini egkuwaan he wazà bayad; ebeyazan ku sikew. Kenè ku ibpemuhat diyà te Nengazen he Megbevayè ku is menge pemuhat he edtutungen he wazè din bali kayi te kedì.” Umbe mibpemasa ni David haazà is gunasà wey menge vaka te 50 he vuuk he pelata.

2 Samuel 24:24 ပူးပေါင်းရင်းမြစ်များ

Genesis 23:11

Ke sikandin te, “Kayi te etuvangan te menge zuma ku, ibeǥey ku kenikew is tivuuk he vevesukè ku ragkes sikan is surung. Umbe egkehimu en idleveng nu is esawa nu.”

Genesis 23:13

ne migkaǥi sikandin diyà te ki Efron he nezineg te langun te, “Pemineǥa a. Egkesuatan ku he ebeyazan ku haazà is bevesukà. Dewata nu en is ibayad ku, su wey zutun ku en ikeleveng is esawa ku.”

Genesis 23:16

Ne mid-uyun dutun si Abraham sumalà is migkaǥi ni Efron, ne midtimbang din is 400 he vuuk he pelata sumalà is keveǥat he neuyunan he zaan te menge nigusyanti zutun. Ne imbayad din heini ki Efron dutun te etuvangan te menge Hitihanen.

1 Cronica 21:1

Migkuntada ni Setanas is Israel, umbe kandin he ketau he mesinsus ni David is menge Israilihanen.

1 Cronica 22:1

Ne migkaǥi si David te, “Kayi he lugar edtukuza is baley te Nengazen he Megbevayà wey pemuhatà para te menge ibpemuhat te menge Israilihanen he edtutungen.”