2 Samuel 24:21 - Manobo Western Bukidnon OT

²¹ Migkaǥi si Arauna te, “Mahal he Hadì, maan is kayi ka?” Midtavak si David te, “Midhengkayi a su ebpemesahan ku heini is gunasè nu su ebaal a kayi te pemuhatà para te Nengazen, wey meengked en is kedlimasa te menge etew.”

2 Samuel 24:21 ပူးပေါင်းရင်းမြစ်များ

Genesis 50:10

Ne hein nekeuma sikandan diyà te ǥunasà diyà te Atad he uvey te Wahig he Jordan, ne midlalew sikandan para ki Jacob, ne utew subra is kedlelendag dan. Ne midlalew si Jose seled te pitu he andew.

2 Samuel 24:18

Haazà he andew midhendiyà si Gad te ki David ne migkeǥiyan din te, “Tekezeg ka zutun te ǥunasà ni Arauna he Jebusihanen ne vaal ka zutun te pemuhatà para te Nengazen.”

2 Samuel 24:20

Hein naahà ni Arauna si David wey menge sakup din he ebpelingguma, ne migawas sikandin ne midluhud diyà te etuvangan ni David he tuus te midtahud din sikandin.

2 Samuel 24:3

Piru midtavak ni Joab is hadì te, “Berakat he ipemezakel te Nengazen he Megbevayè nu is keet-etawan nu te 100 he takep, ne meehè nu pezem heini. Piru Mahal he Hadì, maan is egkesuatan nu te ebaal heini?”

1 Cronica 21:22

Migkeǥiyan ni David sikandin te, “Ivelegyè nu kedì heini is gunasè nu para ebpehitindeǥan ku te pemuhatà para te Nengazen, wey meengked en is kedlimasa te menge etew. Ebeyazan ku sikew ke pira is bali kayi.”

Salmo 106:30

Piru mibpeteliwazà si Finehas, umbe neengked haazà is bangkit.

Numero 25:8

Ne midtundug din haazà is etew pehendiyà te kedseled din te tulda zin ne impedlembasè din te edtiyuk duen te vangkew zin haazà is maama wey vahi. Ne neengked is limas diyà te menge Israilihanen,