2 Samuel 24:17 - Manobo Western Bukidnon OT

¹⁷ Hein naahà ni David haazà is belinsuǥuen he mibpenhimatey te menge etew, migkeǥiyan din is Nengazen te, “Iyan a nekesalà. Heini is menge etew ne wazè dan peleng iring te menge kerehidu. Wazè dan mekevaal te salà. Iyan e en wey is pemilya ku siluti.”

2 Samuel 24:17 ပူးပေါင်းရင်းမြစ်များ

Genesis 18:23

Ne mid-uvayan ni Abraham is Nengazen ne nenginginsà te, “Tutuu ve he idragkes nu is menge metazeng dutun te kedlimasa nu te utew menge mekesesalà he etew?

Genesis 44:33

Ne pekelalaglalag ka ǥuntaan ne ituǥut nu he iyan a is suluǥuen nu ebpetaǥak kayi su iyan a ed-uripenen he id-ilis te hazi ku ne ipeulì nu zed sikandin duma is menge suled din.

2 Samuel 12:13

Ne migkeǥiyan ni David si Natan te, “Nekesalà a te Nengazen.” Midtavak si Natan te, “Mibpesaylu ke en te Nengazen, ne kenè ke zed ebpatey kayi he salà.

2 Samuel 24:10

Ne mibmezaat is gehinawa ni David hein nepasad is kedsinsusa zin te menge etew. Ne migkeǥiyan din is Nengazen te, “Nekesalà a kayi te mibeelan ku. Umbe ebpehizuhizu a kenikew, Nengazen, he peseyluwa a kenikew is suluǥuen nu te salè ku, su kelelalung is mibeelan ku.”

2 Samuel 7:8

“Keǥiyi nu pa si David he iyan a, is Nengazen he Mekeǥeǥehem, egkaǥi te, ‘Mibantey ke zà dengan te menge kerehidu, piru mibpilì ku sikew he edumala te menge etew ku he Israilihanen.

1 Hadì 22:17

Umbe, migkaǥi si Micaya te, “Neehè ku pinaaǥi te mibpelewasan kedì he is menge Israilihanen ne nekedsusuwey ziyà te menge vuvungan he iring te menge kerehidu he wazà ed-elima kandan, ne migkaǥi is Nengazen te, ‘Heini he menge etew ne wazè dan en pengulu. Ipeulì sikandan he melinawen.’ ”

Job 42:6

Umbe, ingkeeled ku is langun he mibpengaǥi ku mehitenged kenikew, ne idsendit ku haazà pinaaǥi te kebpinuu ku ziyà te eliyavuk wey avu.”

Job 7:20

Nekesalè e ve? Hengkey man he salà is neveelan ku ziyà te kenikew te perevantey te etew? Maan is edsuǥaten a kenikew? Iring e ve te meveǥat he bevaan nu?

Salmo 32:5

Ne intug-an ku ziyà te kenikew is menge salè ku; wazè ku in-eles. Ke siak te idtug-an ku is menge salè ku ziyà te kenikew. Ne zutun te kedtug-an ku, mibpesaylu a kenikew.

Salmo 44:11

Intuǥut nu he mebpematey key iring te menge kerehidu he mibpenlapà. Ne impeyapat key kenikew ziyà te menge nasyun.

Salmo 74:1

He Megbevayà, maan is ebpedayun en is ked-iniyuǥi nu kenami? Maan is nepeukan key kenikew is menge etew he ebentayan nu?

Exodus 10:16

Ne tenged dutun migègaanan pesuǥui te hadì si Moises wey si Aaron, ne ke sikandin diyà te kandan te, “Nekesalà a ziyà te Nengazen he iyan Megbevayè niw wey ziyà daan te keniyu.

Isaias 6:5

Ne migkaǥi a te, “Mekehizuhizu a! Su kenà duwazuwa he edezeetan a, su mezaat is ebpengeǥiyen ku wey is menge etew he emurè ku, mezaat daan is kandan he ebpengeǥiyen. Ne ǥuntaan neehè ku is Hadì he iyan is Nengazen he Mekeǥeǥehem.”

Jonas 1:12

Ne ke si Jonas te, “Itimbag a keniyu ziyà te zaǥat, ne egkeengked heini is mevandes he keramag, su tenged te salè ku ne neuwit-uwit kew.”

Zacarias 13:7

Migkaǥi is Nengazen he Mekeǥeǥehem te, “Endama is ispada! Himetayi is perevantey ku te menge kerehidu he suluǥuen ku. Himetayi sikandin su wey mekedsusuwey is menge kerehidu, is egkaayuayu he menge etew ku. Ne edsilutan ku sikandan.

Numero 16:22

Piru midluhud si Moises wey si Aaron he ke sikandan te, “He Megbevayà he ebpuunan te untung te langun he menge etew, edelehiǥen nu ve te pauk nu is langun he etew kayi te sevaha zè man is nekesalà?”