2 Samuel 24:15 - Manobo Western Bukidnon OT

¹⁵ Umbe, mibpaaǥi is Nengazen te kezeetan diyà te Israel puun dutun he meselem taman te neuma is andew he migkaǥi zin. Ne 70,000 he menge Israilihanen is mibpematey puun te Dan taman te Beersheba.

2 Samuel 24:15 ပူးပေါင်းရင်းမြစ်များ

2 Samuel 24:2

Ne migkeǥiyan ni Hadì David si Joab wey is menge peremandar te menge sundaru te, “Beyai niw is langun he tribu te Israel, puun te Dan taman te Beersheba ne ipenlista niw is menge etew, wey ku metueni ke pira sikandan langun.”

1 Cronica 21:14

Umbe, mibpaaǥi is Nengazen te kezeetan diyà te Israel, ne 70,000 he menge Israilihanen is mibpematey.

1 Cronica 27:24

Ne mibpuunan ni Joab he anak ni Zeruya is kebpensinsus te menge etew, piru wazè din mepasad is kebpensinsus su nepauk is Megbevayà. Umbe wazà maamin melista ziyà te listahan ni Hadì David is tivuuk he kezakel te menge Israilihanen.

1 Cronica 27:4

Si Dodai he kevuwazan ni Ahoa ne iyan peremandar te menge sundaru te ikezuwa he vulan. 24,000 he menge sundaru is kandin he grupu. Si Miklot ne iyan pinekelavew he upisyal te grupu ni Dodai.

Isaias 37:36

Ne zutun midhendiyà is belinsuǥuen te Nengazen te kampu te menge tig-Asiria ne migerè din is 185,000 he menge sundaru. Ne hein meselem en, ked-enew zuen te nesamà he menge uuyag, neehè dan is utew mahabet he nemematey.

Habakuk 3:2

“He Nengazen, nezineg ku is menge mibeelan nu, ne tenged kayi utew zekelà is kedtehuza ku kenikew. Ne ǥuntaan umani nu heini veeli kayi te kenami he timpu. Ne zutun te timpu te kebpaahaa nu te pauk nu ne kehizuwi key kenikew.

Numero 25:9

piru 24,000 is neǥerà tenged te limas.

1 Samuel 6:19

Duen 70 he tig-Bet Shemesh he midhimetayan te Megbevayà su mid-ehè dan kes seled dutun te Kavan te Nengazen. Inlalew te menge meǥinged haazà is utew mesakit he silut kandan te Nengazen.