2 Samuel 24:14 - Manobo Western Bukidnon OT

¹⁴ Midtavak si David diyà te ki Gad te, “Egkereǥenan a utew te kebpilì. Deyzey pa ke iyan en is Nengazen edsilut kenami te menge etew, su hihizuwen is Nengazen.”

2 Samuel 24:14 ပူးပေါင်းရင်းမြစ်များ

2 Samuel 9:8

Midluhud si Mefiboshet ne migkaǥi te, “Hentei e ves is utew nu igkeǥaǥew? Iring e zè man te minatey he asu.”

2 Hadì 6:15

Ne kegkemeselem, midselem med-enew is suluǥuen ni Elisha, ne neehè din is menge sundaru he ebpemen-untud te kudà wey menge kerwahi he midliǥuy zutun te inged. Migkaǥi sikandin diyà te ki Elisha te, “Datù, hengkey is ebeelan ta?”

1 Cronica 21:13

Midtavak si David diyà te ki Gad te, “Egkereǥenan a utew te kebpilì. Deyzey pa ke iyan en is Nengazen edsilut kediey ne kenà iyan is etew su hihizuwen utew is Nengazen.”

Salmo 119:156

Dekelà is hizu nu, Nengazen; pekeluǥeyaza nu pa is untung ku sumalà te kukuman nu.

Salmo 130:4

Piru mibpesaylu key kenikew, umbe edtehuzen dey sikew.

Salmo 130:7

Menge tig-Israel, sarig kew te Nengazen, su veliǥeǥawen sikandin, ne layun sikandin andam te kedluwas.

Salmo 145:9

Nengazen, edtulengezan nu is langun; duen nu hizu te langun he linimbag nu.

Salmo 51:1

He Megbevayè ku, kehizuwi a kenikew tenged te kebmahala nu kedì. Iawè nu is menge salè ku tenged te zekelà he hizu nu kedì.

Salmo 86:15

Piru sikew, Nengazen, hihizuwen ka wey veliǥeǥawen ka he Megbevayà. Beliǥeǥawen ka wey metinumanen, ne kenè ka melemu he egkepauk.

Salmo 86:5

Tutuu he meupiya ka wey mepineseyluwen, ne utew nu mibmahal is langun he ebpengumew-umew kenikew.

Erubasa 12:10

Is metazeng he etew, ed-elimahan din is menge uyaǥen din, piru is ketulanged te etew he mezaat is menge ulaula zin, ebpekezezaat su seligkep dà.

Isaias 47:6

Nepeukan ku is menge etew he ǥaked ku, ne inselikwey ku sikandan. Umbe imbeǥey ku sikandan kenikew, ne wazè nu sikandan mehizuwi. Ne minsan ganì is menge meǥurang en kandan ne midaagdaag nu.

Isaias 55:7

Ipeengked en is menge lalung te kedlalunglalung, ne ipeengkezi kandan is mezaat he ked-isip-isip dan. Ipelikù en sikandan diyà te Nengazen he Megbevayè tew su egkehizuwan din sikandan wey ebpeseyluwen.

Jeremias 39:17

Piru edlibriyen ku sikew zutun he timpu. Kenè ku sikew ibeǥey ziyà te menge etew he igkahandek nu.

Penhulùhulù 3:22

he is kebmahal wey hizu te Nengazen ne wazà pidtemanan. Umbe wazè kiw zed mepurung mezeeti.

Daniel 9:9

Piru hihizuwen ka ǥihapun wey mepineseyluwen minsan pa te nesupak dey sikew.

Jonas 4:2

Ne mid-ampù sikandin diyà te Nengazen he ke sikandin te, “Nengazen, heini is kebpeseyluwa nu te menge tig-Nineve, ne zaan ku en he netueni zutun te aney he kedsuǥua nu kedì, umbe migaanggaan a mebpelaǥuy pehendiyà te Tarshish. Su netuenan ku he veliǥeǥawen ka wey hihizuwen he Megbevayà. Ne mepelevayen wey nepenù te hizu wey andam he kenà edlaus edsilut te menge etew he ed-iniyug te mezaat.

Micas 7:18

Wazè en duma he ed-ezapen he iring kenikew. Mibpesaylu nu is menge salà te nesamà he menge etew nu he menge ǥaked nu. Wazà mebpedayun taman te taman is kegkepauk nu su ingkelipey nu is kebmahala nu kenami.

Micas 7:19

Egkeumanan key kenikew egkehizuwi ne id-awè nu is langun he menge salè dey. Iring dà te edtekutakan nu heini ne idtimbag nu ziyà te kezeleman te zaǥat.

Zacarias 1:15

piru utew ku nepeuki is menge meǥinged diyà te menge nasyun he ebpeeyehey zà. Dengan kenè ded utew zekelà is pauk ku kandan, piru mid-unduran dan heini.

1 Samuel 13:6

Ne hein naahà te menge Israilihanen he dilikadu zan, ne nen-eles dan diyà te menge surung, wey ziyà te menge budsi, wey ziyà te menge nekesungkarub he menge vatu, wey ziyà te menge kalut.