2 Samuel 24:12 - Manobo Western Bukidnon OT

¹² “Hendiyè ka te ki David ne ipepilì nu sikandin ke hendei zapit kayi te tetelu is egkesuatan din he idsilut ku kandin.”

2 Samuel 24:12 ပူးပေါင်းရင်းမြစ်များ

2 Samuel 12:14

Piru tenged dutun te mibeelan nu he nekeveǥey te higayun diyà te menge kuntada te Nengazen he egkesumpalit sikandin, siguradu he ebpatey is anak nu.”

2 Samuel 24:11

Sunud he meselem dutun te wazè pa med-enew si David, migkeǥiyan te Nengazen si Gad he menenagnà ni David te,

2 Samuel 24:13

Ne midhendiyà si Gad te ki David ne migkeǥiyan din sikandin te, “Hendei kayi is egkesuatan nu: Tetelu he tuig he vitil diyan te nasyun nu, tetelu he vulan is kebpelpelaǥuy niw su edleyasen kew te kuntada niw, wey ke tetelu he andew is sunudsunud he zuen ebpematey kayi te nasyun nu? Is-isipa nu purungi heeyan, ne keǥiya nu kedì ke hengkey is idtavak ku te Nengazen he iyan midsuǥù kedì.”

1 Cronica 27:24

Ne mibpuunan ni Joab he anak ni Zeruya is kebpensinsus te menge etew, piru wazè din mepasad is kebpensinsus su nepauk is Megbevayà. Umbe wazà maamin melista ziyà te listahan ni Hadì David is tivuuk he kezakel te menge Israilihanen.

Erubasa 3:12

Su ebmensuwen te Nengazen is menge mibpelanggè din iring te ebeelan te sevaha he amey ziyà te anak din he pelanggè din.

Jeremias 30:11

Su zuma a keniyu ne edlibriyen ku sikiyu. Ebpurungan ku edezeeti is menge nasyun he zutun kew ipeyapat. Piru kenè ku mulà heini ed-ul-uluhan diyà te keniyu. Piru kenà heini ebpesavut he kenè ku sikiyu edsilutan. Ebmensuwen ku sikiyu te hustu he paaǥi.”

Leviticus 26:43

Piru kinahanglan he ibpaawè ku zèpa sikiyu puun te tanè niw he iyan bayad niw te menge salè niw, tenged te kedselikwaya niw te menge suǥù ku wey menge sulunuzen he ibpesunud ku. Ne ebpekehimeley is tanà dutun te egkeewaan niw.