2 Samuel 24:1 - Manobo Western Bukidnon OT

¹ Neuman mepauk is Nengazen te menge Israilihanen ne impevaal zin si David te ebpekezezaat kandan. Migkeǥiyan din si David te, “Bilanga nu is menge keet-etawan te Israel wey Juda.”

2 Samuel 24:1 ပူးပေါင်းရင်းမြစ်များ

Genesis 45:5

Kenè kew meseeng, ne kenè kew mebasul te ingkevelegyà a keniyu kayi, su paaǥi heini te Megbevayà is impehuna a kayi para meluwas kew te mereǥen he ked-ubpà.

Genesis 50:20

Su minsan pa te mezaat is tuyù niw kediey, mibpengelinteuwan te Megbevayà he meupiya is pangkus din. Su impelavew e zin su wey kiw is mezakel melibri ne kenà meumes.

2 Samuel 12:11

“Iyan pa heini egkeǥiyen te Nengazen: ‘Duen ebpuun te pemilya nu he edsukul kenikew. Ibeǥey ku is menge esawa nu ziyà te etew he kenè nu selakew, ne ebpekidhulid sikandin kandan minsan duen ebpekaahà.

2 Samuel 16:10

Piru migkaǥi haazà is hadì te, “Sikiyu is menge anak ni Zeruya, hengkey is kelevetan niw? Emun midsuǥù sikandin te Nengazen he penrewaki e zin, ne hentei e ves is edawey kandin?”

2 Hadì 3:6

Umbe zutun he timpu, midtiǥum ni Joram is tivuuk he menge Israilihanen he sundaru ne migawas dan diyà te Samaria su edsurung dan diyà te Moab.

1 Cronica 21:1

Migkuntada ni Setanas is Israel, umbe kandin he ketau he mesinsus ni David is menge Israilihanen.

1 Cronica 7:2

Ne is menge anak ni Tola, ne iyan si Uzi, Refaya, Jeriel, Jamai, Ibsam, wey si Shemuel. Heini sikandan ne iyan menge pengulu te menge pemilya zan. Ne hein iyan hadì si David, ne is kezakel te menge maama he ebpuun te menge kevuwazan ni Tola he memahagtì he menge sundaru ne 22,600.

1 Cronica 7:40

Sikandan is langun menge kevuwazan ni Asher he menge pengulu te menge pemilya zan. Memetau sikandan he menge sundaru wey nevantug he menge pengulu. Ne is kezakel zan te menge maama he kevuwazan ni Asher he andam he ebpesundaru 26,000 sumalà is diyà te listahan te menge kevuwazan dan.

2 Cronica 32:25

Piru mebpagalbu si Hezekia ne wazè din beliya is keupiya he impaahà te Nengazen kandin. Umbe nepeukan sikandin te Nengazen wey is menge tig-Juda wey menge tig-Jerusalem.

Exodus 7:3

Ne ebpengelinteuwan ku he kenà ed-uteng is menge lalag niw ziyà te ǥehinawa te hadì, ne minsan ke mezakel he menge singyal wey egkengein-inuwan he menge vaal is ebeelan ku ziyà te Ehipto,

Ezekiel 14:9

“Emun egkelimbungan is sevaha he ebpeneuven dutun te kedtagnè din, ne tenged heeyan te iyan a is Nengazen midlimbung kandin. Edsilutan ku sikandin ne edsegseǥen ku puun te menge etew ku he Israilihanen.

Ezekiel 20:25

Umbe, mibey-anan ku en sikandan he ebpedayun edtuman te menge suǥù wey menge sulunuzen he kenà meupiya wey kenà ebpekeveǥey kandan te meluǥayad he untung.

Leviticus 10:6

Ne migkaǥi si Moises diyà te ki Aaron wey ziyà te menge anak din he si Eleazar wey si Itamar te, “Kenè niw vey-ani he egkeǥuseng is bulvul niw etawa ebindasen niw is menge kumbalè niw te kebpekilala he idlalew niw is minatey. Emun ebeelan niw heeyan, ne ebpatey kew ne egkepeukan te Nengazen is langun he menge Israilihanen. Is langun he menge etew te Israel he menge kezuzumahi niw, ne iyan mulà sikandan medlalew para keniyan te zezuwa he midtutung te Nengazen.

Numero 1:19

Mibeelan ni Moises heini is kebpenlista ziyà te sibsivayan he Sinai, su iyan haazà insuǥù te Nengazen.

Zatù 2:14

Ne tenged te pauk te Nengazen te menge Israilihanen, mibey-anan din sikandan he surunga te menge tulisan he egkuwa te menge azen dan.

Zatù 2:20

Umbe, utew sikandan nepeuki te Nengazen. Migkaǥi is Nengazen te, “Tenged te midrapas kayi te menge etew is midhimu ku ziyà te menge kepuun dan he kebpekid-uyun kandan, wey wazè e zan pezumdumahi,

1 Samuel 26:19

Mahal he Hadì, pemineǥa nu is egkeǥiyen ku. Emun iyan is Nengazen edsuǥù kenikew te kedhimatey kedì, deyzey pezem ke egkehizuwan e zin pinaaǥi te kedewata zin te pemuhat ku. Ne emun ketau zà te etew, ne deyzey pezem ke rewaki sikandan te Nengazen. Su impepelaǥuy e zan puun te tanà he gaked te Nengazen ne migkeǥiyan e zan te ibpesilbi ad te zuma he menge ed-ezapen.