2 Samuel 23:9 - Manobo Western Bukidnon OT

⁹ Ne iyan sunud kandin si Eleazar he anak ni Dodai he kevuwazan ni Ahoa, he sevaha zuen te tetelu he utew menge mevurut he sakup ni David. Sevaha sikandin te zuma ni David he nemenhinggat te tebek te menge Filistihanen he ziyà medtiǥum te Pas Damin para te kebpekidtebek. Nemelaǥuy is menge Israilihanen,

2 Samuel 23:9 ပူးပေါင်းရင်းမြစ်များ

1 Cronica 27:4

Si Dodai he kevuwazan ni Ahoa ne iyan peremandar te menge sundaru te ikezuwa he vulan. 24,000 he menge sundaru is kandin he grupu. Si Miklot ne iyan pinekelavew he upisyal te grupu ni Dodai.

1 Cronica 8:4

Abishua, Naaman, Ahoa,

Megwewali 4:12

Melemu ka egkezaag emun sebsevaha nu, piru emun duen nu zuma, ne mereǥen kew he edaaǥen. Iring ded heini te pisì he emun tetelu he luvid ne mereǥen he ebidtawen.

Isaias 63:3

Midtavak is Nengazen te, “Tenged te pauk ku migkeres ku is menge etew ziyà te menge nasyun iring te paras. Iyan e zà migkeres kayi, ne wazà miduma kedì. Is lengesa zan, midresik diyà te visti ku, umbe nezekiyan heini.

Isaias 63:5

Neinuinu a hein neehè ku he wazà minsan sevaha he mid-uǥup kedì pinaaǥi te kedtevangi zan te menge etew ku. Umbe iyan e zà midlibri te menge etew ku pinaaǥi te ǥehem ku. Is pauk ku iyan midtukù kedì te kedsilut te menge kuntada ku.

1 Samuel 17:10

Guntaan, edhinggaten ku sikiyu! Ipehendini niw is egkeseriǥan niw he ebpekidtebek kedì.”

1 Samuel 17:26

Mid-insaan ni David is menge etew he nemenhitindeg diyà te uvey zin, “Hentei ves heeyan is Filistihanen he wazà mekekilala te Megbevayà? Maan is ebpemenhinggat te menge sundaru te uuyag he Megbevayà? Ne hengkey is egkezawat te etew he ebpekepatey kandin wey meengked is kebpeel-elezi zin te Israel?”

1 Samuel 17:36

Neveelan ku en heini ziyà te erimaung wey ziyà te bir, ne ebeelan ku zaan heini keniyan te Filistihanen he wazà medtuu te Megbevayà, tenged te edhinggaten din is menge sundaru te uuyag he Megbevayà.