2 Samuel 23:34 - Manobo Western Bukidnon OT

³⁴ si Elifilet he anak ni Ahasbai he tig-Maaca; si Eliam he anak ni Ahitofel he tig-Gilo;

2 Samuel 23:34 ပူးပေါင်းရင်းမြစ်များ

2 Samuel 10:6

Neisip-isip dutun te menge Amunihanen he egkepeukan dan ni David. Umbe midsuhulan dan is 20,000 he Aramihanen he menge sundaru he tig-Bet Rehob wey tig-Zoba, 1,000 he sundaru he ebpuun te hadì te Maaca, wey 12,000 he sundaru he ebpuun te Tob.

2 Samuel 10:8

Mibpelastar en is menge Amunihanen diyà te pultahan te inged dan para te kebpekidtebek, ne is menge Aramihanen he tig-Zoba wey tig-Rehob wey is menge sundaru he tig-Tob wey tig-Maaca ne mibpelastar zan en daan diyà te menge suǥud.

2 Samuel 11:3

Midsuǥù si David te ibpaahà haazà ke hentei he vahi. Ne midtudtulan sikandin te haazà he vahi ne si Batsheba, he anak ni Eliam wey esawa ni Uria he Hitihanen.

2 Samuel 15:12

Dutun te kemula pa ebpemuhat si Absalom te menge pemuhat, impetawag din si Ahitofel he ziyà te inged he Gilo. Heini si Ahitofel ne zutun heini he meǥinged, wey sevaha sikandin te menge megsesambag ni David. Hein neuǥet ne midmezakel en is midsunud ki Absalom, umbe mibmelig-en utew is pelanu zin te kebpekidsukulà ki David.

2 Samuel 15:31

Duen mibpenudtul ki David he si Ahitofel ne sevaha te nekidsevaha ki Absalom. Ne zutun mid-ampù si David, “Nengazen, himuwa nu he wazà pulus te sambag ni Ahitofel.”

2 Samuel 17:23

Hein netuenan ni Ahitofel he wazà pezumdumahi is menge sambag din, ne mid-untuzan din is asnu zin ne mid-ulì diyà te inged din. Nemilinbilin sikandin te pemilya zin ne midhiket sikandin pinaaǥi te kebitey. Diyè ded ileveng sikandin te midlevengan te amey zin.

2 Samuel 20:14

Midhendiyà si Sheba te langun he tribu te Israel su edtiǥumen din is langun he menge kezuzumahi zin. Ne midsunud kandin is menge kezuzumahi zin, ne mid-amur-amur zan diyà te Abel Bet Maaca.

Deuteronomio 3:14

Si Jair he kevuwazan ni Manase, iyan nekaangken te tivuuk he Argob he sakup te Bashan taman te dulunà te tanà te menge Gisurhanen wey menge Maakatnen. Heini he lugar migngezanan ni Jair te kandin he ngazan, umbe minsan guntaan kemulu egngezani is Bashan te, ‘Menge Inged ni Jair.’

1 Samuel 26:6

Migkeǥiyan ni David si Abimelec he Hitihanen wey si Abishai he anak ni Zeruya wey suled ni Joab te, “Hentei keniyu is eduma kedì te edhendutun te kampu ni Saul?” Midtavak si Abishai te, “Iyan a eduma.”