2 Samuel 23:3 - Manobo Western Bukidnon OT

³ Is Megbevayà he iyan is endilungà he vatu te Israel, migkaǥi sikandin kedì, ke sikandin te, ‘Is etew he metazeng is kedumala wey zuen din kegkehandek te Megbevayà,

2 Samuel 23:3 ပူးပေါင်းရင်းမြစ်များ

Genesis 33:20

Ne zutun mibaal si Jacob te pemuhatà he migngezanan din te El Elohe Israel, he ke và dà egkaǥiya, “Utew mekeǥeǥehem is Megbevayà he ed-ezapen ni Israel.”

2 Samuel 22:32

Iyan ke zà, Nengazen, kes Megbevayà; kes endilungè dey he vatu.

2 Samuel 8:15

Nehimu he hadì si David te tivuuk he Israel ne mibeelan din is metazeng wey hustu para te langun he menge etew zin.

1 Hadì 10:9

Ereg he edeliǥen is Nengazen he Megbevayè nu, nelipey kenikew wey midhimu kenikew he hadì te Israel. Tenged te wazà pidtemanan he ǥaǥew te Nengazen te menge Israilihanen, midhimu ke zin he hadì su para egkezumahan te hustu he kukuman wey ketazeng is kegemita nu te ǥehem nu.”

Nehemias 5:14

Seled te 12 he tuig te kebpenirbisyu ku he gubirnedur ziyà te Juda, he puun te ike-20 he tuig pehendiyà te ike-32 he tuig te kedhadì ni Artaserkses, wazà a mekezawat wey is menge kezuzumahi ku te keenen he para te gubirnedur.

Job 34:17

Ebpekezumala ve is Megbevayà ke kenè din egkesuatan is metazeng he kukuman? Maan is ed-isipen nu he mezaat is metazeng wey mekeǥeǥehem he Megbevayà?

Salmo 110:2

Mahal he Hadì, ebpuun te Zion ibpemeluag te Nengazen is ginhedian nu, ne edhedian nu is menge kuntada nu.

Salmo 42:9

He Megbevayà he endilungè ku, egkaǥi a ziyà te kenikew te, “Maan is edlipatan a kenikew? Maan is kinahanglan pa he egkeseeng a tenged te kedèdaaǥa kedì te menge kuntada ku?”

Salmo 72:1

He Megbevayà, penurua nu is hadì te kenikew he paaǥi te kedhukum he metazeng,

Salmo 72:2

para egkezumahan te ketazeng is kedhukumi zin te menge etew nu lavew en is egkengaayu-ayu.

Exodus 18:21

Iyan, pilì ka te metau he menge etew he ebpekeuǥup kenikew te kebpenhusey nu. Kinahanglan he metau sikandan he edhusey, edtahud te Megbevayà, egkeseriǥan, ne kenà edawat te sipsip. Himuwa sikandan he menge zatù te menge grupu te menge etew he tig-1,000, tig-100, tig-50 wey tig-10.

Exodus 20:2

“Iyan a Nengazen he Megbevayè niw, iyan a mibpeǥawas keniyu ziyà te Ehipto he zutun kew uripena.

Exodus 3:15

Migkaǥi zaan is Megbevayà diyà te ki Moises te, “Keǥiyi nu is menge Israilihanen: ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob ne iyan midsuǥù kenikew.’ Kilelaà niw is ngazan ku he Nengazen te wazà pidtemanan.

Erubasa 31:9

Emun egkukum ka ne ipeikul nu te hustu he kukuman, ne levani nu is ketenged te menge pubri.

Isaias 32:1

Duen keuzemà hadì he metazeng, ne is menge upisyal zin, wazà egkevintahaan diyà te kedumala zan.

Jeremias 23:5

Migkaǥi pa is Nengazen te, “Egkeuma is timpu he ibpahadì ku is sevaha he metazeng he hadì he kevuwazan ni David. Edhadì sikandin he zuen din ketau, ne edhimuwen din is metazeng wey hustu para kayi he tanà.

Zacarias 9:9

Migkaǥi is Nengazen te, “Ugyab kew tenged te kegkelipey is menge meǥinged diyà te Zion, he iyan is inged he Jerusalem, su ebpekeuma is hadì niw. Metazeng sikandin wey mezeeǥen. Kenà sikandin mepelevawen ne ebpekeuma he ed-untud te nati he asnu.

Deuteronomio 32:4

Iyan sikandin batu he endilungè ku; utew hustu is menge vaal zin, wey metazeng is langun he menge paaǥi zin. Metinumanen sikandin he Megbevayà ne kenà sikandin egkesayep; metazeng sikandin ne hustu is menge vaal zin.