2 Samuel 23:17 - Manobo Western Bukidnon OT

¹⁷ Migkaǥi sikandin te, “Nengazen, kenè ku heini ed-inumen tenged te iring heini kemahal te lengesa te menge etew he impedserakan dan is untung dan te kegkuwa kayi.” Umbe wazà iyan med-inum si David. Iyan haazà mibeelan dutun te tetelu he mevurut he menge sakup ni David.

2 Samuel 23:17 ပူးပေါင်းရင်းမြစ်များ

Genesis 44:17

Iyan, midtavak dutun si Jose te, “Kenà egkehimu he pudu kew ed-uripenen ku su kenà haazà metazeng he kukuman. Iyan dà ed-uripenen ku is sevaha he ziyà te kandin maahà kes tasa ku. Is duma keniyu ne egkehimu he ed-ulì kew ziyà te amey niw te wazà samuk.”

Genesis 9:4

Piru kenè niw keena is langgam he wazè pa maawà dutun is lengesa zin, he iyan igkeuyag din.

2 Samuel 20:20

Midtavak si Joab te, “Kenè ku egkesuatan te edrundus is inged niw!

1 Hadì 21:3

Piru midtavak si Nabot te, “Kenà idtuǥut te Nengazen ke ibeǥey ku kenikew is kevilin ku te menge kepuun ku.” Mid-ulì si Ahab he mibmezaat is gehinawa zin wey nepauk tenged te intavak ni Nabot kandin. Midhizeǥà sikandin he edsinaru ziyà te elavat, ne kenà egkaan.

1 Cronica 11:19

Migkaǥi sikandin te, “Megbevayè ku, kenè ku heini ed-inumen tenged te iring heini kemahal te lengesa te menge etew he impedserakan dan is untung dan te kegkuwa kayi.” Umbe wazà iyan med-inum si David. Iyan haazà mibeelan dutun te tetelu he mevurut he menge sakup ni David.

Salmo 72:14

Edlibriyen din sikandan te kedèdaaǥa wey kebpesipelahi kandan, su utew mevali sikandan diyà te kandin.

Leviticus 17:10

Is minsan hentei he egkaan te lengesa egkeepesan te Nengazen ne kenè niw en sikandin isipa he zuma niw.

Zatù 5:18

Piru impedserakan mulà te tribu ni Zebulun wey te tribu ni Naftali is untung dan su mibpekidtebek dan.

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.

1 Samuel 26:11

Is Nengazen kenè din idtuǥut he iyan a ebpekepatey te mibpilì din he hadì. Egkuwaan te zà heini is bangkew zin wey heini is teleǥuey zin te wahig he kayi te ulunan din, ne egenat kid.”