2 Samuel 23:15 - Manobo Western Bukidnon OT

¹⁵ utew sikandin ebpekeinum. Migkaǥi sikandin te, “Deyzey pezem ke zuen egkuwa te wahig he egkeinum ku ziyà te kalut he uvey te ǥemawan te Betlehem.”

2 Samuel 23:15 ပူးပေါင်းရင်းမြစ်များ

Genesis 35:19

Ne mibpatey zutun si Raquel ne ziyè dan ileveng te uvey te zalan pehendiyà te inged he Efrat. (Ne haazà is inged he Efrat ne iyan guntaan inged he Betlehem.)

2 Samuel 23:16

Umbe, mid-eles-eles midseled haazà is tetelu he mevurut he menge etew zuen te kampu te menge Filistihanen, ne migkuwa zan te wahig dutun te kalut he uvey te ǥemawan te Betlehem, ne mid-uwit dan diyà te ki David. Piru wazà inuma haazà ni David; kekenà, in-itis din haazà su pemuhat din para te Nengazen.

1 Cronica 11:17

utew sikandin ebpekeinum. Migkaǥi sikandin te, “Deyzey pezem ke zuen egkuwa te wahig he egkeinum ku ziyà te kalut he uvey te ǥemawan te Betlehem.”

Salmo 119:81

Edarà ad is edtaǥad te kedlibriya nu kedì, piru edsarig a ǥihapun te lalag nu.

Salmo 63:1

He Megbevayà, iyan ka Megbevayè ku, ne meselem pa utew ne edangep e en diyà te kenikew. Ke và ke zà wahig ne egkemezahan a kenikew. Iring te ziyà a te memaza he tanà he wazà duen wahig.

Isaias 41:17

“Emun ebpen-ahà te wahig is pubri he menge etew ku, ne wazè dan egkaahà ne ebmemaze en is bekereng dan tenged te kegkemezahi, ne siak is Nengazen iyan edtavang kandan; siak is Megbevayà te Israel kenè ku sikandan idselikwey.

Isaias 44:3

Su ebeǥayan ku sikew te wahig he ebpekevawì te kegkemezahi nu wey edhames te memaza he tanè nu. Ebpeulinan ku te Mulin-ulin ku is menge kevuwazan nu wey edtuvazan ku sikandan.