2 Samuel 23:10 - Manobo Western Bukidnon OT

¹⁰ piru sikandin, ne wazà mulà su kemulu zin en ebpenhimetayi is menge Filistihanen, taman te neluǥat en is belad din ne kenè en ebpekekayew te ispada. Impezaag sikandan te Nengazen te haazè dà he andew. Kes mibpemelaǥuy he menge Israilihanen nemenlikù dan diyà te ki Eleazar su ebpenguwaan dan kes menge ǥumaan te menge mibpematey.

2 Samuel 23:10 ပူးပေါင်းရင်းမြစ်များ

2 Samuel 23:12

iyan dà wazà mebpelaǥuy si Shama dutun te teliwazà te vevesukà su mibentayan din heini. Mibpenhimetayan din is menge Filistihanen ne imbpezaag sikandan te Nengazen te haazà he andew.

2 Hadì 5:1

Si Naaman he peremandar te menge sundaru ziyà te Aram, edtehuzen te hadì diyà te Aram, su pinaaǥi kandin mibpengelinteuwan te Nengazen he mekezaag is Aram. Meupiya sikandin he sundaru, piru zuen utew mezaat he zaru te lundis he ed-isipen he meremerik.

1 Cronica 11:13

Sevaha zaan sikandin te miduma ki David te kebpekidtebek dan te menge Filistihanen diyà te Pas Damin. Diyè dan medtetebek te pemuleey te barli. Nemelaǥuy is menge Israilihanen,

Salmo 108:13

Ebpekezaag key pinaaǥi te tavang nu, He Megbevayà, su edaaǥen nu is menge kuntada zey.

Salmo 144:10

Kenikew he ketau he mekezaag is menge hadì ne midluwas nu si David te kemetayen.

Salmo 68:12

“Nemelaǥuy is menge hadì wey is menge sundaru zan, ne is menge azen dan mibahin te menge vahi he tig-Israel.

Isaias 53:12

Umbe, ebeǥayan ku sikandin te zengeg he para te ventuǥan wey gemhanan he menge etew, su imbeǥey zin is untung din: Mid-isip sikandin he sevaha te menge mekesesalà. Ne nekaantus sikandin para te mahabet he menge mekesesalà ne mid-ampù sikandin he peseyluwa sikandan te Megbevayà.”

Josue 10:10

Midteranta te Nengazen is menge kuntada hein neehè dan is menge Israilihanen. Ne ziyà te Gibeon mahabet kandan is mibpenhimetayan te menge Israilihanen. Midal-as te menge Israilihanen is duma kandan, ne mibpenhimetayan dan diyà te zalan he ebpeketekezeg diyà te Bet Horon taman te Azeka wey Makeda.

Josue 10:42

Naaǥew ni Josue is langun kayi he menge tanà wey nezaag din is menge hadì kayi te sengesurung dà, su is Nengazen he Megbevayà te Israel, mid-uǥup te kebpekidtebek dan.

Josue 11:8

Mibpengelinteuwan te Nengazen he mezaag te menge Israilihanen haazà is menge kuntada zan. Midal-as dan is menge kuntada zan taman diyà te Zekelà he Sidon wey ziyà te Misrefot Maim, wey taman diyà te Suǥud te Mizpa ziyà te edsilaan, taman te naamin dan mepatey is menge kuntada zan.

Zatù 15:14

Hein nekeuma zan diyà te Lehi, midsinuǥung sikandin te menge Filistihanen he ebpememensag. Midumala si Samson te Mulin-ulin te Nengazen su nengebidtew is imbakus kandin he iring dà te tanur he edtutungen ne nengeulug heini puun te menge velad din.

Zatù 15:18

Utew nemezahi si Samson. Umbe nengumew-umew sikandin te Nengazen. Ke sikandin te, “Midhimu nu he mekezaag a, piru ǥuntaan henduen be te ebpatey ad te kegkemezahi ku ne ebihaǥen a te menge Filistihanen he wazà mekekilala kenikew.”

1 Samuel 11:13

Piru migkaǥi si Saul te, “Wazà etew he edhimetayan guntaan, su guntaan midluwas te Nengazen is Israel.”

1 Samuel 14:23

Ne zutun nekeume en diyà te Bet Aven is edtebek. Mibpengelinteuwan te Nengazen he mekezaag is menge Israilihanen.

1 Samuel 14:6

Migkeǥiyan ni Jonatan kes tig-uwit te ǥumaan din te, “Hengkayi ke en, ebeyaan ta is kampu te menge etew he wazà mekekilala te Megbevayà. Kela ke edtevangan ki te Nengazen, su wazà ebpekevelavag kandin emun edhimuwen din he mekezaag is etew, mezakel man wey ke deisey.”

1 Samuel 17:53

Hein nepasad dan te edal-as is menge Filistihanen, nenlikù dan ne mibpenguwa zan is azen he nengetaǥak diyà te kampu te menge Filistihanen.

1 Samuel 19:5

Imbelavag din is untung din te kedhimetayi zin duen te Filistihanen he si Goliat, ne impezaag te Nengazen is tivuuk he Israel. Neehè nu heini ne utew ka nesuat. Ne maan is edhimetayan nu is sevaha he etew he wazà peleng he etew iring ki David te wazè nu zuen ibpuun?”