2 Samuel 22:51 - Manobo Western Bukidnon OT

⁵¹ Is pinilì nu he hadì ebeǥayan nu te zekelà he menge kezeeǥan. Mahal nu si David wey is menge kevuwazan din te wazà pidtemanan.”

2 Samuel 22:51 ပူးပေါင်းရင်းမြစ်များ

2 Samuel 22:2

Iyan heini kanta zin: “Iyan ka, Nengazen, batu he endilungè ku; melig-en he elesè ku wey menluluwas. Iring ka te elesà he vatu, ne ed-eles a ziyà te kenikew. Iyan ka kelasag ku wey mekeǥeǥehem he menluluwas. Iyan ka eputè ku wey elesè ku. Iyan ka midluwas kedì dutun te utew mesipala he menge etew.

2 Samuel 23:1

Si David he anak ni Jesse, midhimu he mevantug te Utew Lavew he Megbevayà. Mibpilì sikandin te Megbevayà ni Jacob he mehimu he hadì. Wey ebaal sikandin te menge kentahan te Israel. Iyan heini impeneltelaan din:

2 Samuel 7:16

Ebpedayun te wazà pidtemanan is kenikew he ginhedian, ne is menge kevuwazan nu taman te taman is kedhadì dan.’ ”

Salmo 144:10

Kenikew he ketau he mekezaag is menge hadì ne midluwas nu si David te kemetayen.

Salmo 18:50

Is pinilì nu he hadì ebeǥayan nu te zekelà he menge kezeeǥan. Mahal nu si David wey is menge kevuwazan din te wazà pidtemanan.

Salmo 21:1

Nengazen, mibmelipayen is hadì he pinilì nu, tenged te mibeǥayan nu sikandin te zesen. Utew sikandin nelipey su mibpengelinteuwan nu he mekezaag sikandin.

Salmo 3:3

Piru is tutuu, iring ka te kelasag he ebpengalang kedì. Iyan ka ebeǥey kedì te kezeeǥan wey kelig-en.

Salmo 48:3

Diyà is Megbevayà te melig-en he menge vahin te Jerusalem, ne impeehè din en te menge meǥinged kayi he iyan sikandin eputè dan.

Salmo 89:20

Si David he suluǥuen ku, iyan mibpilì ku he hadì pinaaǥi te kedlenahi kandin te segradu he lana ku.

Salmo 89:24

Ebmahalen ku sikandin wey ebpekid-uunungen a kandin. Ne ed-umanan ku is egkehimu zin pinaaǥi te ǥehem ku.

Salmo 89:26

Egkaǥi sikandin kayi te kediey te, ‘Iyan ka amey ku wey Megbevayè ku; iyan ka endilungè ku wey menluluwas ku.’

Salmo 89:29

Is kada hadì te Israel ne ziyà ebpuun te menge kevuwazan din taman te taman. Ne iring te langit is ginhedian din su kenà egkaawà.

Salmo 89:36

Is kada hadì te Israel ne ziyà ebpuun te menge kevuwazan din taman te taman. Is ginhedian din iring te andew he kenà egkaawà diyà te etuvangan ku.

Salmo 91:2

Ebpekekaǥi a, ke siak te, “Is Nengazen, iyan sikandin eputè ku wey melig-en he elesà. Iyan sikandin Megbevayè ku he edseriǥan ku.”.

Jeremias 30:9

Ebpenilbi zan en kedì, te Nengazen he Megbevayè dan, wey te hadì dan he kevuwazan ni David he edsuǥuen ku.