2 Samuel 22:47 - Manobo Western Bukidnon OT

⁴⁷ Uuyag ka, Nengazen! Edeliǥen ka is endilungè ku he vatu. Ibayew ku sikew tenged te iyan ka Megbevayà he menluluwas ku.

2 Samuel 22:47 ပူးပေါင်းရင်းမြစ်များ

Job 19:25

“Piru netuenan ku he is uuyag he Megbevayà iyan edlavan kedì, ne egkeuma is timpu keuzemà te kebpekeuma zin dini te tanà te kedlavan kedì.

Salmo 89:26

Egkaǥi sikandin kayi te kediey te, ‘Iyan ka amey ku wey Megbevayè ku; iyan ka endilungè ku wey menluluwas ku.’

Salmo 89:27

Ed-isipen ku sikandin he kinekekayan he anak ku, iyan sikandin lavew te langun he menge hadì.

Exodus 15:2

Is Nengazen iyan ebeǥey kedì te zesen, wey iyan sikandin egkekanta ku. Iyan sikandin menluluwas ku. Iyan sikandin Megbevayè ku, ne edeliǥen ku sikandin. Megbevayà sikandin te menge kepuun ku, ne ebentuǥen ku sikandin.