2 Samuel 22:44 - Manobo Western Bukidnon OT

⁴⁴ Midluwas a kenikew, Nengazen, te ebpekidsukulà kedì he menge etew. Midhimu a kenikew he pengulu te menge nasyun. Is menge lumelengyawà, ne ebpenilbi kedì.

2 Samuel 22:44 ပူးပေါင်းရင်းမြစ်များ

2 Samuel 19:14

Tenged kayi, neuwit ni David is langun he tig-Juda ne nesevaha is isip dan. Mibpeuwitan dan te lalag si David he egkaǥi te, “Sikew wey is langun he menge sakup nu, likù kew en kayi te kenami.”

2 Samuel 19:9

Nekedlelawan dutun is tivuuk he Israel. Ke sikandan te, “Midluwas kiw ni Hadì David diyà te menge kuntada tew he menge Filistihanen, piru mibpelaǥuy sikandin kayi te nasyun tew tenged dà ki Absalom.

2 Samuel 20:22

Ne zutun mibeyaan dutun te vahi is menge meǥinged dutun te inged ne midtudtulan din sikandan te planu zin. Mibpungelan dan te ulu si Sheba ne intimbag dan diyà te ki Joab. Ne segugunà impezaǥing ni Joab is budyung ne mid-awè dan dutun te inged duma is menge sakup din ne mid-ulì dan. Ne midlikù si Joab diyà te Jerusalem.

2 Samuel 3:1

Iyan haazà puunà te meluǥayad he tebek te edapig ki Saul wey te edapig ki David. Ed-iseg ebmelig-en is grupu ni David ne ebmeluya mulà is grupu ni Saul.

2 Samuel 5:1

Midhendiyà is langun he tribu te Israel te ki David diyà te Hebron he egkaǥi te, “Menge kezuzumahi key kenikew.

Salmo 110:6

Edsilutan din is menge nasyun ne mahabet is ebpenhimetayan din. Edèdeetan din is ebpemendumala seled te tivuuk he kelibutan.

Salmo 18:43

Midluwas a kenikew te ribildi he menge etew. Midhimu a kenikew he pengulu te menge nasyun. Is menge lumelengyawà ne ebpenilbi kedì.

Salmo 2:8

Buyù ka kayi te kediey ne ibeǥey ku kenikew is menge nasyun, taman te pinekemeziyù he lugar te tivuuk he kelibutan para maangken nu heini, ne edtumanen ku heeyan.

Isaias 55:4

Midhimu ku sikandin he pengulu te menge nasyun, ne pinaaǥi kandin impeehè ku kandan is gehem ku.

Isaias 55:5

Ed-umawen niw is menge etew ziyà te menge nasyun he kenè niw zuma, ne egaangaan sikandan edhendiyà te keniyu su iyan a is Nengazen he Megbevayè niw, he Waǥas he Megbevayà te Israel mibeǥey keniyu te zengeg.”

Isaias 60:12

Su egkepurung egkezeeti is menge nasyun etawa menge ginhedian he kenà ebpenilbi kenikew.

Isaias 65:1

Migkaǥi is Nengazen te, “Mibpekilala a te menge etew he wazà med-insa mehitenged kediey. Ebpeturedu a te wazà mebpen-ahà kediey. Impezayag ku is keugelingen ku ziyà te nasyun he wazà med-umew kedì is menge meǥinged duen.

Daniel 7:14

Mibeǥayan sikandin te zengeg wey keǥehem te kedhadì, ne ebpenilbi kandin is langun he menge etew ziyà te nekedseselekawà he menge nasyun, menge kepuun, wey menge kineǥiyan. Ne ebpedayun is kedhadì din te wazà pidtemanan ne wazà ebpekezezaat kayi.

Hoseas 2:23

Ibpeubpè ku sikiyu ziyà te tanè niw su menge etew ku sikiyu. Ne sikiyu is migngezanan he Lo Ruhama he ke và dà egkegiya, ‘Wazà Mehizuwi,’ ibpeehè ku is hizu ku keniyu. Ne sikiyu zaan is migngezanan te Lo Ami he ke và dà egkegiya, ‘Kenà menge Etew ku,’ edtewaǥen ku he menge etew ku, ne egkaǥi kew te iyan a Megbevayè niw.”

Deuteronomio 28:13

Edhimuwen kew te Nengazen he pengulu te menge nasyun, ne kenà bà dà sumusunud. Uya, layun kew egkezivavew ne kenè kew egkezizalem emun ebpurungan niw edtumana wey edsunuza is menge suǥù te Nengazen he Megbevayè niw he ibeǥey ku keniyu ǥuntaan.