2 Samuel 22:37 - Manobo Western Bukidnon OT

³⁷ Ebeǥayan a kenikew te meupiya he ibayà, umbe wazà mekezugkilas is menge paa ku.

2 Samuel 22:37 ပူးပေါင်းရင်းမြစ်များ

2 Samuel 22:20

Midlibri a kenikew te ebpekekaid pezem kedì su ingkesuat a kenikew.

Salmo 121:3

Kenè din idtuǥut he meseligkat ka. Sikandin is ed-ipat kenikew, ne kenà ebpekelipezeng.

Salmo 17:5

Layun ku ed-ikula is dalan nu, ne wazà a medsuwey zutun.

Salmo 18:36

Ebeǥayan a kenikew te meupiya he ibayà, umbe wazà mekezugkilas is menge paa ku.

Salmo 4:1

Sikew is metazeng he Megbevayè ku, tevaka a kenikew zutun te ked-umawa ku kenikew. Hein nekebmerasey a zengan, midtevangan a kenikew. Umbe ǥuntaan, pemineǥa nu is menge kebpengemuyù ku wey kehizuwi a.

Salmo 94:18

Hein migkaǥi a ziyà te kenikew, Nengazen, he henduen be te ebpatey ad, midtevangan a kenikew su mibmahal a kenikew.

Erubasa 4:12

Emun edtumanen nu heini, wazà egkehimu he velavag te kebpengungubpaan nu, wey wazà mezaat he egkehitavù kenikew.

1 Samuel 2:9

Ebentayan din is gaked din he menge metinumanen, ne is menge mezaat ne edèdeetan din. Su wazà etew he ebmezeeǥen pinaaǥi zà te kandin he ebilidad.