2 Samuel 22:31 - Manobo Western Bukidnon OT

³¹ Is kenikew he paaǥi, Megbevayà, ne wazè din sayep. Is lalag nu egkeseriǥan. Iring ka te kelasag te langun he ebuyù kenikew te pengalang.

2 Samuel 22:31 ပူးပေါင်းရင်းမြစ်များ

Nehemias 9:8

Neehè nu he mepezumdumahan sikandin kenikew, ne nenangdù ka ziyà te kandin he ibeǥey nu ziyà te menge kevuwazan din is tanà te menge Canaanhen, Hitihanen, Amorihanen, Pirisihanen, Jebusihanen, wey menge Girgasihanen. Ne midtuman nu is insaad nu ziyà te kandan, su metazeng ka.

Job 34:10

Umbe, pemineg kew kedì, sikiyu is egkaǥi he ebpekesavut kew. Kenà ebaal te mezaat is Mekeǥeǥehem he Megbevayà.

Salmo 119:140

Nepurung en meǥezami he egkeseriǥan iyan is saad nu, ne mibmahal ku heini te suluǥuen nu.

Salmo 12:6

Egkeseriǥan utew is menge saad te Nengazen. Iring heini te pelata he ebpekesarig ki he lunsey heini su kepipitu ipaaǥi ziyà te hapuy para maawà is menge sahug din.

Salmo 145:17

Nengazen, metazeng ka, ziyà te langun he paaǥi nu, ne hihizuwen ka ziyà te langun he ebeelan nu.

Salmo 18:30

Is kenikew he paaǥi, Megbevayà, ne wazè din sayep. Is lalag nu egkeseriǥan. Iring ka te kelasag te langun he ebuyù kenikew te pengalang.

Salmo 2:7

Ne migkaǥi haazà is hadì he mibpilì te Megbevayà te, “Ibpehayag ku is migkaǥi kedì te Nengazen te, ‘Iyan ka Anak ku, ne ǥuntaan ibpekilala ku he amey ad kenikew.

Salmo 35:2

Kuwaa nu is kelasag nu wey penagang nu, ne tevangi a.

Salmo 84:9

He Megbevayà, peburi nu is kelasag dey he iyan is hadì dey he mibpilì nu.

Salmo 91:4

Edlekupan ke zin iring te piyak ne wazà ebpekekaid kenikew. Is kebmetinumanen din iyan kelasag nu wey pengalang nu.

Erubasa 30:5

Is kada lalag te Megbevayà ne egkeseriǥan utew. Iring sikandin te kelasag te menge etew he ed-aput diyà te kandin.

Megwewali 3:14

Ne netuenan ku he is mibeelan te Megbevayà ne ebpedayun taman te taman, ne kenè en heini egkevelvelewanan. Mibeelan heini te Megbevayà para medtahud is etew kandin.

Daniel 4:34

“Ne kegketapus te pitu he tuig, ne siak, si Nebucadnezar, midangep a ziyà te Megbevayà, ne zutun midlikù is meupiya he ked-isip-isip ku. Umbe midalig ku wey mibeǥayan ku te zengeg is Utew Lavew he Megbevayà he uuyag te wazà pidtemanan. Migkaǥi a te, ‘Is kedhadì din ne wazà pidtemanan.

Daniel 4:37

Umbe, ǥuntaan edeliǥen ku wey ebeǥayan ku te zengeg is hadì diyà te langit, su hustu wey metazeng is langun he menge vaal zin ne ibpekevavè din is minsan hentei he ebpelavew.”

Deuteronomio 32:4

Iyan sikandin batu he endilungè ku; utew hustu is menge vaal zin, wey metazeng is langun he menge paaǥi zin. Metinumanen sikandin he Megbevayà ne kenà sikandin egkesayep; metazeng sikandin ne hustu is menge vaal zin.