2 Samuel 22:25 - Manobo Western Bukidnon OT

²⁵ Edtuvazan a kenikew su neehè nu he metazeng a, ne wazè ku eveelan he ibpekesalà ku.

2 Samuel 22:25 ပူးပေါင်းရင်းမြစ်များ

2 Samuel 22:21

Edtuvazan a kenikew su ǥeina te metazeng a, wey wazè ku neveelan he salà.

1 Hadì 3:6

Midtavak si Solomon te, “Impeehè nu is dekelà he ǥaǥew nu te amey ku he si David, he suluǥuen nu, su mepezumdumahan sikandin kenikew, metazeng, wey hustu is kebpengungubpaan din. Impelaus nu is kebpaahà nu te zekelà he keupiya nu pinaaǥi te kebeǥayi nu kandin te sevaha he anak he iyan ebpekeilis kandin te kedhadì guntaan.

Erubasa 11:31

Ne zini te kelibutan egkezawat te menge metazeng is bales te meupiya he menge vaal zan, ne lavew pa he ebpekezawat te vales te mezaat he menge vaal zan is menge etew he kenà edtuu te Megbevayà wey menge mekesesalà.

Erubasa 5:21

Su egkaahà te Nengazen is langun he menge vaal nu. Ne minsan hendei ka ebpevayà ne egkeehè ke zin.

Isaias 3:10

Keǥiyi niw is menge metazeng te meupiya is ukur zan, su egkeraǥun dan is beǥas te meupiya he menge vaal zan.

1 Samuel 26:23

Imbeǥey ka te Nengazen kedì guntaan he andew, piru wazè ku zà sikew himetayi su iyan ka mibpilì te Nengazen he hadì. Te heini he mibeelan ku, edtuvazan a te Nengazen, su iyan sikandin ebales dutun te menge metazeng wey menge metinumanen.