2 Samuel 21:6 - Manobo Western Bukidnon OT

⁶ Umbe, iveǥey niw kenami kes pitu he menge kevuwazan din he menge maama, su edhimetayan dey sikandan, ne kenà id-awà is menge lawa zan diyà te egkesevukan dan he uvey te ed-ezapan te Nengazen diyà te Gibea, he inged ni Saul he mibpilì te Nengazen he hadì,” midtavak haazà is hadì te, “Uya ibeǥey ku en sikandan keniyu.”

2 Samuel 21:6 ပူးပေါင်းရင်းမြစ်များ

Genesis 40:19

Seled te tetelu he andew ebpepungelan ka te hadì te ulu ne ibitey ka ziyà te kayu ne ebpengeenen te menge tagbis is sapù nu.”

Genesis 40:22

Ne sikan is egalen te menge mememaal te supas, impevitey te hadì sumalà is kehuluǥan he midseysey ni Jose.

2 Samuel 17:23

Hein netuenan ni Ahitofel he wazà pezumdumahi is menge sambag din, ne mid-untuzan din is asnu zin ne mid-ulì diyà te inged din. Nemilinbilin sikandin te pemilya zin ne midhiket sikandin pinaaǥi te kebitey. Diyè ded ileveng sikandin te midlevengan te amey zin.

2 Samuel 18:10

Duen sevaha he sakup ni David he nekaahà dutun ne mibeyaan din si Joab ne migkeǥiyan din te, “Neehè ku si Absalom is nevivitey zutun te kayu he ulayan.”

2 Samuel 19:28

Ereg pezem he ebpenhimetayan nu is menge kevuwazan te apù ku, piru siak is suluǥuen nu ne nehizuwan nu su impekaan nu zuma kenikew. Umbe kenà ad ereg he edhangyù pa kenikew te pebur.”

1 Cronica 12:3

Iyan heini menge ngazan dan: si Ahiezer is pengulu zan wey si Joash. Menge anak sikandan ni Shemaa he tig-Gibeah. Iyan heini menge ngazan dan: si Jeziel wey si Pelet he menge anak ni Azmavet, si Beraca wey si Jehu he tig-Anatot,

Ezra 6:11

“Ne elin daan suǥù ku he is minsan hentei he kenà edtuman kayi edtiyuken te kayu he edtengtangen puun te valey zin, ne edrundusen is baley zin taman te wazà kayi egkesamà he ebpekehitindeg.

Ester 9:10

Ne heini sikandan is sepulù ne pudu menge anak ni Haman te anak ni Hamedata, he kuntada te menge Judio. Iyan, wazà tevana te menge Judio is menge azen te menge kuntada zan.

Deuteronomio 21:22

“Emun midsilutan is etew te kemetayen tenged te meveǥat he salà he nehimu zin, ne imbitey ziyà te kayu is lawa zin,

Josue 10:26

Ne zutun mibpenhimetayan ni Josue sikan is lelima he hadì ne imbitey haazà diyà te lelima he kayu taman te mahapun.

Josue 8:29

Impevitey zin sikan is hadì diyà te kayu ne mibey-anan heini zutun taman te mahapun. Ne kedsanlep te andew impekuwa ni Josue haazà is minatey he hadì ne impetimbag din diyà te ǥawas te pultahan dutun te inged. Ne midtembuan dan heini te menge vatu, ne taman en guntaan kemulu egkaahà haazà is menge vatu.

1 Samuel 10:1

Migkuwa si Samuel te senge umuy he lana, ne in-itis din te ulu ni Saul. Neipus dutun midhezekan din si Saul ke sikandin te, “Is Nengazen iyan mibpilì kenikew he iyan ebpengulu te keet-etawan he gaked din.

1 Samuel 10:24

Umbe, migkeǥiyan ni Samuel is langun he menge etew te, “Iyan heini kes etew he mibpilì te Nengazen he iyan hadì niw. Wazà minsan sevaha kenitew he nekeiring kandin.” Ne zutun nemengulahì is menge etew he egkaǥi te, “Mebmeluǥayad is untung te hadì!”

1 Samuel 10:26

Mid-ulì daan si Saul ziyà te valey zan diyà te Gibea. Midumahan sikandin te menge sundaru he mibpengelinteuwan te Megbevayà he mekezuma kandin.

1 Samuel 11:4

Duen nemekeuma he menge menunudtulà diyà te Gibea, he zutun ed-ubpà si Saul. Ne hein midtudtul zan is menge lalag ni Nahash, nemenineǥew is langun he menge etew zutun.

1 Samuel 24:21

Umbe, guntaan penangdù ka kayi te kedì pinaaǥi te ngazan te Nengazen he kenè nu ebpenhimetayan is menge kevuwazan ku, para kenà maawà is ngazan te pemilya ku.”

1 Samuel 24:22

Ne zutun mibpesarig si David. Ne mid-ulì si Saul, piru si David mulà wey is menge sakup din ne midlikù dan dutun te elesey zan.