2 Samuel 21:3 - Manobo Western Bukidnon OT

³ Ne mid-insaan din te, “Hengkey is ebeelan ku keniyu para meveyazi is salà ni Saul he mibeelan din keniyu? Keǥiya niw kedì, para tuvazi en maan te Nengazen is keet-etawan din.”

2 Samuel 21:3 ပူးပေါင်းရင်းမြစ်များ

2 Samuel 20:19

Sevaha a te menge ebpenganduy he mebpedayun is kelinew te Israel. Piru sikew, maan is egkesuatan nu te edrundus is inged he ǥaked te Nengazen?”

Exodus 32:30

Ne hein sunud he andew, migkeǥiyan ni Moises sikan is menge etew te, “Nekevaal kew te zekelà he salà. Piru edtekezeg a ǥuntaan kayi te vuvungan, diyà te Nengazen, su kela ke pezumdumahi zin ded is hangyù ku he peseyluwa kew zin te salè niw.”

Leviticus 1:4

Izampè din is belad din diyà te ulu zuen te vaka he ibpemuhat din, ne edewaten heini te Nengazen su wey melibri sikandin puun te menge salè din.

Jonas 1:11

Ne zutun mid-iseg en is kevandes te keramag, ne migkeǥiyan dan si Jonas te, “Hengkey is ed-ul-ulahan dey kenikew su wey meengked heini is utew zekelà he vaǥel su wey key kenà mekeizi?”

1 Samuel 2:25

Mid-uman megkaǥi si Eli te, “Ke zuen etew he ebpekesalà diyà te zuma zin, egkehimu he iyan ebpeteliwazà kandan is Megbevayà; piru hentei is egkehimu he ebpeteliwazà ke ebpekesalà is etew ziyà te Nengazen?” Ne zutun wazà pemineǥa te menge anak din is lalag din tenged te nepasad en is hukum kandan te Nengazen he edhimetayan sikandan.

1 Samuel 26:19

Mahal he Hadì, pemineǥa nu is egkeǥiyen ku. Emun iyan is Nengazen edsuǥù kenikew te kedhimatey kedì, deyzey pezem ke egkehizuwan e zin pinaaǥi te kedewata zin te pemuhat ku. Ne emun ketau zà te etew, ne deyzey pezem ke rewaki sikandan te Nengazen. Su impepelaǥuy e zan puun te tanà he gaked te Nengazen ne migkeǥiyan e zan te ibpesilbi ad te zuma he menge ed-ezapen.